काठमाडौं– नेपाल स्टक एक्सचेन्ज(नेप्से) घटेको छ । साताको पहिलो दिन आइतबार नेप्से ३१.१७ अङ्कले घट्दा परिसूचक २७४९.८३ विन्दुमा झरेको छ ।
आजको कुल ६ अर्ब ६ करोड १८ लाख रुपैयाँ बराबरको सेयर कारोबार भएको छ । जहाँ कुल २२८ कम्पनीको मूल्यमा गिरावट आउँदा, केवल २१ कम्पनीको मूल्यमा सामान्य वृद्धि भएको छ। एक कम्पनीको मूल्य भने स्थिर रहेको छ ।
समग्रमा १ करोड ४८ लाख कित्ता सेयरको किनबेच भएको छ । आज ९७ हजार १७४ वटा कारोबार भएका थिए ।
कारोबार भएका कम्पनीमध्ये आज उन्नति सहकार्य लघुवित्तको सर्वाधिक ६.७७ प्रतिशत मूल्य बढेर २३९६.०७ रुपैयाँमा बन्द भयो । त्यसैगरी आशा लघुवित्तको ४.१६ प्रतिशत र माछापुच्छ्रे बैंकको डिबेञ्चर ८६ ले ३.९३ प्रतिशतको वृद्धि भएको छ ।
