काठमाडौं – साताको तेस्रो दिन नेप्से परिसूचकमा सामान्य अङ्कले बढेको छ । पछिल्लो समय निरन्तर रूपमा बढेको नेप्से साताको तेस्रो दिन सामान्य अङ्कले बढेर कारोबार बन्द भएको छ ।
मंगलबार सेयर बजार ८९.९७ अंकले बढेको छ । सो वृद्धिपछि नेप्से परिसूचक २९७३.७० अंकमा पुगेको छ । अघिल्लो दिन १६ अर्ब ३२ करोडको कारोबार भएकोमा आज २० अर्ब ८ करोडको कारोबार भएको थियो । २३६ कम्पनीको मूल्य बढ्दा १४ वटाको घटेको छ। उत्पादन तथा प्रशोधन ४.६३, जीवन बीमा ४.३६ तथा माइक्रोफाइनान्स ४.०७ प्रतिशत बढेको छ ।
बैंकिङ २.१०, विकास बैंक २०२६, फाइनान्स १.९४, होटल तथा पर्यटन ३.४४, हाइड्रोपावर १.९०, लगानी ३.२४, निर्जीवन बीमा २.५६, अन्य ३.२६ तथा व्यापार १.०१ प्रतिशत बढेको छ । त्यस्तै उन्नति सहकार्य लघुवित्तको ९.९०, विन्ध्यबासिनी हाइड्रोपावरको ९.७६, सोनापुर सिमेन्टको ८.७७, इनिफिनिटी लघुवित्तको ८.३६ प्रतिशत मूल्य बढ्यो । बोटलर्स नेपाल बालाजुको २.४६, ग्रिन डेभलपमेन्ट बैंकको २.१९ तथा पन्चकन्या माइ हाइड्रोपावरको २.९३ प्रतिशत मूल्य घटेको छ । नेपाल पुनर्बीमा, शिवम् सिमेन्ट, हिमालयन रिइन्स्योरेन्स, बुटवल पावर र ङादी ग्रुप आज धेरै कारोबार भएका पाँच कम्पनीहरु हुन् ।
-1752335779.jpg)
