काठमाडौं–नेपाल जनप्रशासन संघ र साल्ट ट्रेडिङ कर्पोरेशन लिमिटेडको संयुक्त आयोजनामा पूर्व प्रधानन्यायाधीश कल्याण श्रेष्ठलाई ‘हेमबहादुर मल्ल पुरस्कार २०८०’ प्रदान गरिने भएको छ । नेपाल जनप्रशासन संघले न्यायिक नेतृत्वमा र संस्थागत विकासमा अनुकरणीय योगदान पुर्याएका पूर्व प्रधानन्यायाधीश कल्याण श्रेष्ठलाई ‘हेमबहादुर मल्ल पुरस्कार २०८०’ प्रदान गरिने भएको हाे ।
समारोहमा श्रेष्ठलाई प्रशंसापत्रसहित दुई लाख रुपैयाँ नगद पुरस्कार प्रदान गरिने अायाेजकले जनाएकाे छ । पुरस्कार आगामी असार २६ गते बिहीबार विशेष कार्यक्रममा प्रदान गरिने बताइएको छ ।
आयोजकका अनुसार,‘संविधान निर्माण, संक्रमणकालीन न्याय र समावेशी लोकतन्त्रजस्ता विषयमा ऐतिहासिक निर्णय दिने श्रेष्ठको न्यायिक सक्रियता उल्लेखनीय रहँदै आएको छ । वर्ष २०८२ मा कानून र राजनीतिशास्त्रमा औपचारिक शिक्षा प्राप्त गरेका श्रेष्ठ जिल्ला, पुनरावेदन र सर्वोच्च अदालत हुँदै नेपालका २५औं प्रधानन्यायाधीश बनेका थिए ।’
कार्यक्रम बारे प्रकाश पार्दे साल्ट ट्रेडिङका अध्यक्ष प्रदिपाल श्रेष्ठ यो पुरस्कार २०४७ सालमा स्व. हेमबहादुर मल्लको सम्मानमा स्थापना गरिएको बताए । उनले भने,‘मल्लले साल्ट ट्रेडिङ कर्पोरेशनको संस्थापक प्रमुख, कार्यकारी अधिकृत, अध्यक्ष लगायत थुप्रै महत्वपूर्ण पदमा रहेर सार्वजनिक सेवा र व्यवस्थापनमा प्रेरणादायी योगदान दिएका थिए ।’
नेपाल जनप्रशासन संघका अध्यक्ष मधुरमान आचार्यले भने ,'प्रशासनको क्षेत्रमा काम गर्ने शिक्षाविद्, प्रशासक र प्रबन्धकबीच पारस्परिक सम्बन्ध सुदृढ गर्दै, सरकारलाई नीति निर्माणमा सहयोग पुर्याउने उद्देश्यले यो कार्यक्रम आयोजना गरिएको हाे '। नेपाल जनप्रशासन संघका अध्यक्ष मधुरमान आचार्यले प्रशासनको क्षेत्रमा काम गर्ने शिक्षाविद्, प्रशासक र प्रबन्धकबीच पारस्परिक सम्बन्ध सुदृढ गर्दै, सरकारलाई नीति निर्माणमा सहयोग पुर्याउने उद्देश्यले यो कार्यक्रम आयोजना गरिएको बताए ।
संघका निवर्तमान अध्यक्ष कृष्णहरि बास्कोटाले हेम बहादुर मल्लको बारेमा बताउँदै साल्ट टेडिङ कपोरेशन लि.को यो स्थान आइपपुग्न महत्वपूर्ण योगदान दिएको बताए । उनले भने,‘१० लाखबाट सुरु भएको आज करोडौँको पुगेको छ । यो उनले सुरु गर्नुको कारण नेपालीहरुलाई आईडिन नुनको कमी भएको भनी पत्ता लगाई गरेका हुन् ।’
उनको नाममा स्थापना भएको यो पुरस्कार हरेक वर्ष सार्वजनिक प्रशासन, व्यवस्थापन र सार्वजनिक सेवामा विशिष्ट योगदान पुर्याउने व्यक्ति वा संस्थालाई प्रदान गरिन्छ। अघिल्ला वर्षहरूमा यो पुरस्कार प्राप्त गर्नेमा केदारभक्त माथेमा, महावीर पुन, कुलमान घिसिङ, डा. सन्दुक रुइत, डा. भगवान कोइराला, डा. देवेन्द्रराज पाण्डे, सुरेशराज शर्मा, भोजराज पोखरेल, दमननाथ ढुंगाना, न्हुच्छे प्रधान, भानुप्रसाद आचार्यलगायतका व्यक्तिहरू सम्मानित भएका छन् ।
पुरस्कार छनोट समितिको संयोजकत्व लोकसेवा आयोगका पूर्व अध्यक्ष उमेश मैनालीले गरेका थिए । समितिमा संघका अध्यक्ष मधुरमान आचार्य, साल्ट ट्रेडिङका अध्यक्ष प्रदिपाल श्रेष्ठ, प्रा.यशोदा काफ्ले, पूर्व सहसचिव जीवराज कोइराला सदस्य तथा संघका निवर्तमान अध्यक्ष कृष्णहरि बास्कोटालगायतको उपस्थिति थियो ।
