इम्फाल- भारतीय राज्य मणिपुरमा कट्टरपन्थी समूहका सदस्यहरूको गिरफ्तारीपछि भड्किएको हिंसाका कारण कर्फ्यू लगाइएको छ। इम्फाललगायत पाँच जिल्लामा इन्टरनेट र मोबाइल डेटा सेवा पनि पाँच दिनका लागि बन्द गरिएको छ।
प्रदर्शनकारीले प्रहरी चौकीमा आक्रमण गरी बस जलाएपछि कर्फ्यू आदेश जारी गरिएको हो। राज्यमा हिन्दू मैतेई र इसाई कुकी समुदायबीच पछिल्ला दुई वर्षदेखि जातीय तनाव जारी छ, जसमा २५० भन्दा बढीको मृत्यु भइसकेको छ।
सरकारले स्थिति नियन्त्रणमा ल्याउने प्रयास जारी राखेको जनाएको छ।
