भारत–पाकिस्तानबीचको सैन्य तनावमा विराम लागेको छ । एक–अर्काविरुद्ध आक्रामकरुपमा उत्रिएका यी दुई देश युद्धविरामका लागि शनिबार सहमत भएका हुन् । युद्धोन्मुख द्वन्द्वले विश्वजगत चिन्तित थियो । सुरक्षा मामिलाका जानकारहरूका अनुसार दक्षिण एसियामा क्षेत्रीय अशान्ति फैलिने सम्भावना बढेको थियो । यस्तोमा युद्धविरामका लागि सहमत हुनु स्वागतयोग्य कदम हो । यससँगै स्थल, जल र हवाई आक्रमण दुवैतर्फबाट रोकिएको छ ।
यस क्षेत्रमा शान्तिबहालीको सन्दर्भमा यो सहमतिले महŒवपूर्ण भूमिका खेल्ने छ । त्राहिमाम दुवै देशका नागरिकमा खुसीयाली छाएको छ । पाकिस्तानमा त्यहाँका नागरिकले आपसमा मिठाइ बाँडेर हर्ष साटासाट गरेका छन् । युद्धविरामपछि दुई देश तटस्थ क्षेत्रमा वार्तामा जुट्दै छन् । वार्ता दुई देशीय स्थायी शान्ति र सुरक्षा कायम गर्ने सन्दर्भमा अर्थपूर्ण बन्नुपर्छ । यसमा दुवै देशका प्रधानमन्त्री लचक बन्नुपर्छ । शान्तिका लागि सार्थक निर्णयमा पुग्नुपर्छ ।
युद्धको घानमा निहत्था जनता परेका छन् । भौतिक संरचना ध्वंश भएका छन् । यसले गर्दा युद्ध भयानक मात्र होइन, जनधनको क्षतिको दृष्टिले गर्दा क्रुर पनि हुन्छ । त्यसो हुनाले भारत–पाकिस्तानले तय गरेको युद्धविराम सहमतिको गन्तव्य दीर्घकालीन बन्न सकोस् । भारत–पाकिस्तानबीचको सैन्यस्तरमा फैलिएको द्वन्द्वको बाछिटा नेपालमा प¥यो । युरोपसँगै खाडीका केही राष्ट्रमा चार दिनसम्म उडान प्रभावित बन्यो । अमेरिकी राष्ट्रपति डोनाल्ड ट्रम्पले अमेरिकाको मध्यस्थतामा दुवै देश युद्धविरामका लागि सहमत भएको सार्वजनिक गरेका थिए । भारत र पाकिस्तानका अधिकारीहरुले उक्त कुरा पुष्टि गरिसकेका छन् ।
युद्धविराम हुँदा भारत–पाकिस्तान सीमा क्षेत्रका जनता मात्रै होइन समग्र विश्व खुसी भएको छ । अनाहक युद्ध लम्बिए कति मानवीय क्षति हुने थियो ? कति आर्थिक र भौतिक क्षति हुने थियो ? यो आकलन गर्नै नसकिने विषय हो । त्यसैले युद्ध रोक्नुको विकल्प थिएन । युद्ध गरेर एकले अर्कोलाई धेरै क्षति पु¥याउन सक्लान् तर क्षति दुवैतर्फ हुन्छ । यसलाई दुवै देशले बुझेका छन् । बुझेर नै युद्धविराममा सहमति जनाएको हुनुपर्छ । जे जसरी, जसको पहलमा सहमति गरे यो बुद्धिमतापूर्ण निर्णय हो । दुवै देशले अब आपसी वार्तामार्फत द्वन्द्व समाधान गर्नुपर्छ । युद्धविरामलाई दीर्घकालीन बनाउन थप सहमति जुटोस् ।
