यतिबेला सदनमा विपक्षी दल राष्ट्रिय प्रजातन्त्र पार्टी र सत्तापक्ष दल नेपाली कांग्रेसबीच एउटा विषयमा विवाद चर्र्किएको छ । राप्रपाका अध्यक्ष राजेन्द्र लिङ्देनले चैत १५ गते भाटभटेनी लुटपाट प्रकरणमा कांग्रेस सहमहामन्त्रीका छोरा संलग्न रहेको आरोप लगाए । लिङ्देनले शुक्रबारको प्रतिनिधिसभा बैठकमा लगाएको आरोप स्वतन्त्र सांसद अमरेश सिंहले वैशाख ८ गते एक एफएममा दिएको अन्तर्वार्ताको आधारमा बोलेका थिए ।
कांग्रेस सहमहामन्त्रीको छोराको कुरा आएपछि राप्रपा स्रोत भन्दै महेन्द्र यादवको छोरा भन्दै थप समाचार लेखिए । अमरेश सिंहले यो विषय प्रमाणित नभए आफूले सांसद पदबाटै राजीनामा दिने भनेर ठोकुवा गरे । स्वतन्त्र सांसद सिंह ‘मिस इन्फरमेसन’ दिन माहिर नेता मानिन्छन् । उनले भाटभटेनी घटनाको झण्डै २५ दिनपछि रेडियो अन्तर्वार्तामा बोलेको कुरा राप्रपा अध्यक्षले उद्धृत गरे । त्यही विषयलाई मिडियाले पनि प्राथमिकता दियो । उक्त समाचार लेखेको भन्दै प्रहरीले फेरि पत्रकारमाथि प्रश्न उठाए ।
यही कुरालाई प्रमाणित गरिदिन कांग्रेसले सदनमै राप्रपालाई चुनौती दियो । आइतबारको प्रतिनिधिसभा बैठकमा यही विषयले चर्चा पायो । प्रहरीले अरुलाई कारबाही गरेको तर कांग्रेस पदाधिकारीको छोरा भएकोले तुरुन्तै छाडेको प्रधान विषय भयो । तर अहिले चौतर्फी खोजी गर्दा पनि सिंह र लिङ्देनले लगाएको आरोप प्रमाणित हुन सकेको छैन । प्रहरीले यो विषय कपोलकल्पित भनेको छ ।
आफूले बोलेको हप्ता दिनसम्म पनि सिंहले प्रमाण दिन सकेका छैनन् भने राप्रपा अध्यक्ष लिङ्देनले त ‘रेकर्ड’ सुरक्षित रहेको भनेको चार दिन पुग्दा पनि प्रमाण बाहिर आएको छैन । यही विषयका कारण सदनमा जनताको सवालमा उठ्नुपर्ने मुद्दा छायामा परेको छ । जनताको सवालमा बोल्नुपर्ने समय खेर गएको छ । प्रमुख दल र विपक्षी दलबीच आउँदो बजेट कस्तो हुने, देशको बिग्रँदो अर्थतन्त्रलाई क
सरी सुधार्दै लैजाने भन्ने विषयमा छलफल चल्नुपथ्र्यो ।तर विपक्षी दलले सत्तापक्षलाई कसैगरी दोष देखाउने र सत्तापक्ष पनि यही विषयमा ‘मेरो गोरुको बाह्रै टक्का’ शैलीमा प्रमाण खोज्दै बस्नु उदेकलाग्दो छ । विपक्षले जे आरोप लगाए पनि सत्तारुढले सबैभन्दा पहिले जनतामा आशा छाउने खालको काम गर्ने हो । यस्तो विषयमा समय खेर फाल्ने हैन । अझ कांग्रेसजस्तो दलले यस्तो विषयमा जुहारी खेलेर बस्ने हैन । कोही कुनै घटनामा संलग्न छन् वा छैनन् भन्ने विषय सम्बन्धित निकायलाई जिम्मा दिने हो ।
-1787143572.jpg)
