काठमाडौं- मलेसियाका तीन सुपरीवेक्षेकसहित १८ फरेष्ट्री मलेसियन गाइडहरूले ‘प्रशिक्षक तालिम पाठयक्रम’ लिएका छन् । आइतबार काठमाडौँको बसेरा होटेलमा एक पत्रकार सम्मेलन गरी नेपाल पर्वतारोहण एकेडेमी/पर्वतीय प्रशिक्षण प्रतिष्ठान र फरेष्ट्री डिर्पाटमेन्ट अफ पेनिन्सुलर मलेसियाको सहकार्यमा १० दिने प्रशिक्षक तालिम सम्पन्न भएको हो ।
नेपालका ऊर्जा, जलस्रोत तथा सिँचाइ मन्त्री दिपक खड्का,नेपालका लागि मलेसियाकाे राजदुत मोहम्मद फिरदौस बिन आजमान, नेपाल पर्वतारोहण एकेडेमीका अध्यक्ष उङ्दी छिरिङ शेर्पा र एकेडेमीका कार्यकारी निर्देशक अर्जुन राईले सयुंक्त रूपमा तालिम लिएका मलेसियन गाइडहरूलाई प्रमाणापत्र र चिनाेस्वरूप करूवा प्रदान गरेका थिए ।
कार्यक्रममा ऊर्जामन्त्री खड्काले प्राकृतिक र सांस्कृतिक सम्पदाले भरिपूर्ण नेपाल पर्वतीय पदयात्राका लागि उत्कृष्ट गन्तव्य भएको बताए । उनले सुरक्षित र दिगो हिमाली पर्यटन सुनिश्चित गर्न तथा दक्ष जनशक्ति उत्पादनमा पर्वतीय प्रशिक्षण प्रतिष्ठानले खेलेको भूमिका महत्वपूर्ण भएको बताए । तालिमले दीर्घकालीन पर्यटन विकासमा सहयोग पुग्ने मन्त्री खड्काको भनाइ थियो । मन्त्री खड्काले यस्ता तालिमले नेपाल र मलेसियाबीचका सम्बन्धलाई थप सुदृढ बनाएको बताए । यस्ता पहलले हिमाली पर्यटन प्रवद्र्धन मात्र होइन अन्तर्राष्ट्रिय सहयोगलाई समेत बढावा दिने मन्त्री खड्काले बताउँदै भने भविष्यमा मा पनि यस्ता सहकार्य गर्न नेपाल तयार रहनेछ ।
गाेदावरी र नगरकाेटमा भएकाे उक्त तालिममा प्राविधिक सहयोग नेपाल नेशनल माउटेन गाइड अशोसियसनले गरेको थियो । उनीहरू नेपाल आफ्नै खर्चमा सो तालिम लिएको नेपाल पर्वतारोहण एकेडेमीका कार्यकारी निर्देशक अर्जुन राईले बताए । उनले भने ,“तीन जना सुपरीवेक्षेकसहित १८ जना मलेसियाको फरेष्ट्री माउटेन गाइड अशोसियन (Forestry Mountain Guide Association) का गाइडहरू हुन् । उनीहको आवश्यकतामा आधारित भएर हामीले पाठयकरम बनायो ।त्यसको आधारमा हामीले तालिम दिएका हौं । “उनीहरूलाई कार्तिक २३ गतेदेखि मंसिर २ गतेसम्म (November 8th to 17th ,2024)सैदान्तिक र व्यहारिक शिक्षा दुवै तालिम दिएको हो । यसमा चाहिँ हामीले विभिन्न विशेय विज्ञहरूलाई तालिम दियौं ” उनले भने ।
“पर्वतारोहण ट्रिप व्यवस्थापन कसरी गर्ने, मेट्रोलोजी, सेफ्टीका कुराहरू रेस्क्यु लगायतका कुरा रूसिकाइको थियो । यस्ता धेरै कुराहरू समेटीएर हामीले उनीहरूलाई तालिम दिएका थियौं । “यसरी विदेशीहरूलाई नेपालमा तालिम चाहिँ हामी पहिलो पटक दिएका हौं । अब आउने दिनमा पनि यसैगरी अरू तालिमहरू संचालन गर्ने हाम्रो सोच छ । उनीहरू नेपाल आएर यति दिन सिके, एक किसिमको नेटवर्क बन्यो । यसले नेपालको पर्यटन क्षेत्रमा मलेसियन पर्यटकहरूलाई ल्याउनका लागि थप मद्दत पुर्याउँछ ” उनले बताए ।
“हालै मलेसियनहरूलाई दिएकाे तालिमद्वारा आगामी दिनहरूमा पनि नेपाल त्यस्ता तालिमका लागि नेपालमा पर्यटकहरू ल्याउन भित्र्रयान सक्ने उनले बताए । मलेसियाबाट मात्र नभएर विभिन्न देशहरूका नागरिकहरूलाई नेपाल ल्याउन सक्छौं । अन्य देशका नागरिक जो यस्ता किसिमका तालिम लिन चाहान्छन् उनीहरूलाई पनि नेपालमा आउने बाटो खोलिएको छ । यो हाम्रो लागि गर्वको कुरा पनि हो । किनभने हामीले एउटा तालिम पनि दिन पयाैँ। यसका लागि उनीहरूले पुरै पैसा पनि तिर्ने भएकाले हामीलाई आर्थिक रूपमा केही न केही रूपमा सहयोग मिलेको छ । यसमा हाम्रा प्रशिक्षकहरूले उनीहरूलाई तालिम दिन पनि पाए । यसरी यस्ता तालिमहरू दिन सके भने हामीलाई पनि राहत हुन्छ । ”एकेडेमीका कार्यकारी निर्देशक राईले बताए ।
अर्काे कुरा के थाहा पायाैँ भने मलेसिया एक मुस्लिम देश हाे । उनीहरू हलाल खाना खाने गरेकाेले विशेष किसिमको खानाका व्यस्थाहरू गर्नु पर्ने देखिन्छ । हलाल खानाहरूको कसले प्रमाणित गर्ने भन्ने कुराहरू छन् । त्यो किसिमको उनीहरूको चासो छ । उनीहरू त हलाल खाना मात्र खान्छन् । यदि यी कुराहरूको व्यवस्ता भए, हाम्रो देश नेपालमा मलेसियन पर्यटकहरू धेरै भन्दा धेरै भित्र्याउन सक्छौं, ल्याउन पनि सकिन्छ ,भन्रे उनीहरूको भनाइ छ ।
यसैगरी मलेसिया फरेस्ट्री माउन्टेन गाइड एशोसियसनका अध्यक्ष तथा फरेस्ट इको पार्क एण्ड स्टेट पार्क फरेस्टका निर्देशक मोहम्मद युसैनी बिन मोहम्मद युसोपले नेपालमा आएर पर्वतारोहणसम्बन्धी तालिम लिन र दिन पाएकोमा खुसी भएको बताए ।
उनले भने , ‘मलेशियामा फरेस्ट माउन्टेन गाइडको लागि प्रशिक्षकको प्रशिक्षण निकै महत्वपर्ण भएकाले हामी यहाँ आएका हौँ । विशेष त उच्च स्तरको पहाड जान्नका लागि हामी यहाँ आएका हौँ । हाम्रो देशमा भएको गरिबीपनालाई पनि निमुल पार्न मद्त पुग्नेछ । सरकारले पनि यस कुरामा जोड दिएर आर्थिक सहयोग दिँदै पनि आएको छ ।’आरोहण क्षेत्रमा धेरै संकट र घटना हुन भएकाले मलेसियामा न्यूनीकरण गर्न चाहन्छौं । यो तालिमले धेरै सहयोग पुग्ने उनले बताए । युसोपले भने, ‘मलेसियाली सरकारले पनि सेफ्टी गाइड बनाउन थप योजना बनाउने योजना राखेको छ र हामी त्यसको लागि पहल पनि गर्नेछौँ । ’
उक्त कार्यक्रममा पर्वतीय प्रशिक्षण प्रतिष्ठान क्याम्पस प्रमुख शिवप्रसाद जैसी र नेपालस्थित मलेसियाका राजदूतावासका कर्मचारी, पत्रकारहरूको सहभागिता रहेको थियो ।
-1745656903.jpeg)