जुम्ला - जुम्लामा माेटरसाइकल दुर्घटनामा परी एक जनाकाे मृत्यु भएकाे छ । मंगलबार विहान तिला गाउँपालिका वडा नम्बर ३ त्रिवेणीबाट तातोपानी गाउँपालिका वडा नम्बर ७ सर्मीतर्फ जादैँ गरेकाे क.१ प १६०५ नम्बरको मोटरसाइकल दुघर्टना हुँदा एक जनाकाे मृत्यु भएकाे हाे ।
जिल्ला प्रहरी कायर्यालय जुम्लाका सूचना अधिकारी भानुभक्त अर्यालका अनुसार मृत्यु हुनेमा तातोपानी-७ सर्मीका अन्दाजी ३१ वर्षीय हेमराज कुँवर रहेका छन् । माेटरसाइकल तिला गाउँपालिका वडा नम्बर ४ रावतबाडास्थित सडक बाट अन्दाजी १६० मिटर तल भेरी खोलाको छेउमा खसेकाे थियाे ।
माेटरसाइकलमा दुईजना सवार थिए । दुघर्टना हुने बित्तिकै स्थानीयले प्रहरी चाैकी कुडारीलाई खबर गरेकाे उनले बताए । तत्काल यस चौकी बाट प्रहरी सहायक निरिक्षक उत्तम बहादुर बोहराको कमाण्डमा ४ जना प्रहरी टोली खटिएका थिए ।
लगत्तै दुवै जनालाई उपचारको लागि तिला गाउँपालिकाको एम्बुलेन्सद्वारा कर्णाली स्वास्थ्य विज्ञान प्रतिष्ठान जुम्लातर्फ पठाईएको थियाे । प्रहरीका अनुसार दुवै जनाको अवस्था नाजुक रहेकाे छ । दुर्टनामा परी घाइते मृतकका छाेरा अन्दाजी ९ वर्षीय परिश्रम कुँवरकाे प्रतिष्ठानमा उपचार भइरहेकाे छ ।
