काठमाडौं- पर्यटन विभागका महानिर्देशक डा. नारायण प्रसाद रेग्मीले पर्यटन क्षेत्रमा विभागले तीन कुराहरुमा काम गरिरहेको बताए ।शुक्रबार विभागमा पत्रकार भेटघाटमा कानुन, नियमन, कार्यविधिहरु बनाइरहेको र पर्यटनसँग सम्बन्धित निजी क्षेत्रदेखि पर्यटन बोर्ड, विभिन्न संघसंस्थाहरुसँग सहकार्य गरेर काम गर्ने महानिर्देशक डा. रेग्मीले बताएका हुन् ।
उनले भने, ‘हाल विभागले तीन कुराहरुमा काम गरिरहेका छन्, जस्तै कानुन, नियमन, कार्यविधिहरु बनाइ रहेको छ भने पर्यटनसँग सम्बन्धित निजी क्षेत्रदेखि पर्यटन बोर्ड, विभिन्न संघसंस्थाहरुसँग सहकार्य गरेर अघि बढ्ने छौं । साथै हामी उद्दार र राहतमा केन्द्रित हुन्छौं ।’उनले सुरक्षित पर्यटनको सन्देश दिन जरुरी रहेको बताएका छन् ।सुरक्षाको हिसाबले पनि नेपाल पर्यटकीय गन्तव्य देश रहेको उनले बताए ।
उनले भने, ‘अहिले नेपालका सडकहरु यस्तो छ, हवाई दुर्घटना, हिमालदेखि पूर्वाधार राम्रो छैन भने कुराहरु आएका छन् । पर्यटक बस्ने व्यवस्थापन पनि राम्रो छैनन् भने कुराहरु आइरहेका छन् । यही सबै कुराहरुलाई एकीकृत गरेर पर्यटकको जीवनदेखि लिएर उनीहरुको मनोरञ्जन, रुचिका कुराहरुलाई ध्यानमा राखेर विभागले काम गर्नेछ ।’
यसको साथै विभागका महानिर्देशक रेग्मीले विश्व पर्यटन दिवस मनाउने तयारी गरिरहेको जानकारीसमेत दिएका छन्
