नेपालगन्ज । पुस ९ गते ।
बाँकेको जानकी गाउँपालिका वडा नं. १ मा जेष्ठ नागरिक सम्मान कार्यक्रम सम्पन्न भएको छ ।
जानकी गाउँपालिका १ नं. वडा कार्यालयको सहयोग तथा बास नेपालगन्जको आयोजनामा पुस ९ गते सो सम्मान कार्यक्रम सम्पन्न भएको हो । जानकी गाउँपालिका वडा नं. १ का वडा अध्यक्ष मो. रजा राइकोे अध्यक्षतामा सम्पन्न सम्मान कार्यक्रममा महेशा नाउ, आमना जोलाइ, फुलमता अहिर, पचेगी चमार, राममिलन मौर्या, रत्नकला के.सी., तिला आले, चन्द्र भाल शुकला, राम हरख चमार, जहुर कवडिया, सुन्दी कान्दु, कलावति धोबि, बाँके कान्दु, हसन बादा कवडिया, सन्तराम कुर्मि, सायरा खाँ, जदुराई कुर्मि, हसन कवडिया, कहिमा नाउ, फलमता खटिक, रोजना कवडिया, आयसा नाउ, मरी राढ, सालिम कवडिया, फलमता राढ, लजिमा कवडिया लगाएतका जेष्ठ नागरिकहरु सम्मानीत भएका हुन । सम्मानीत जेष्ठ नागरिकलाई वडा अध्यक्ष मो. रजा राइ, वडा सचिब इश्वर कुमार बम, बासका अध्यक्ष मन भण्डारी, वडा सदस्यहरु लगायत कार्यक्रममा उपस्थित अतिथिहरुले दोसल्ला, टर्च लाईट र नगद सहित सम्मान गरेका थिए । सम्मानीत भए पछि कार्यक्रममा बोल्दै जेष्ठ नागरिकहरुले सम्मान गरेकोमा खुसी ब्यक्त गरेका थिए । बासका कार्यक्रम संयोजक शम्भु शाहीले सञ्चालन गरेको कार्यक्रममा बासका उपनिर्देशक हेमराज भट्ट र लेखा अधिकृत प्रतिक्षा गिरीको उपस्थिती रहेको थियो । कार्यक्रममा वडाका सबै क्षेत्रका २७ जना जेष्ठ नागरिकलाई जेष्ठताको आधार सम्मान गरिएको हो ।
