कपिलवस्तु - कपिलवस्तु जिल्ला र रुपन्देही जिल्लाका आँखा बिरामीहरुको नि : शुल्क आँखा जाँच शिविर सम्पन्न भएको छ । हयूमेन डेभलपमेन्ट एकेडेमी, काठमाडौंको आयोजना इस्लामिक संघ नेपाल, कपिलवस्तुको संयोजकत्वमा नि : शुल्क आँखा जाँच शिविर सम्पन्न गरेका हुन् ।
तौलिहवा आँखा अस्पताल तौलिहवा कपिलवस्तु प्राबिधिक टोलीको डाक्टर प्रमोद यादव लगायतका डाक्टरहरुले बिरामीलाई चेकजाँच गरेका छन् । कपिलवस्तुकाे तौलिहवा आँखा अस्पतालका अध्यक्ष मनोज श्रीवास्तवले धेरै जनाकाे शल्यक्रिया पश्चात आँखाको ज्योति फर्कि संसार हेर्न पाउने भएकाेमा खुशी भएकाे बताएका छन् ।
पडेरिया लुम्बिनी, महाजिदिया लुम्बिनी, मायादेवी गाउँपालिका, कपिलवस्तु, महाराजगंज नगरपालिका, कपिलवस्तु तथा कपिलवस्तु नगरपालिका गरि सात सय ७७ आँखा बिरामीहरुको चेक जाँच गरि दुई सय ५३ जनामा मोतिबिन्दको बिरामी भेटिएका छन् । ती बिरामीहरुममध्ये १६५ जना मोतिबिन्दको शल्यक्रिया (Operation) भएको थियो । ८८ जनामा सुगर र हार्टका बिरामी भएकाले शल्यक्रिया हुन सकेना डाक्टर प्रमोद यादवले बताए ।
गरिब असहाय जनताहरु जसले दुइ छाक खाना लाई ब्यवस्था गर्न नसकेकाहरुले औषधि उपचार गराउने पैसा नभएकाे अवस्थालाई नियालेर याे निशूल्क शिविर सञ्चालन गर्न पाउँदा निकै खुशी भएकाे इस्लामिक संघ नेपालका अध्यक्ष सेराज अहमद फलाहीले बताएका छन् । उनले भने,' यस कार्यक्रमलाई लिएर आम जनताहरुलाई एउटा राहत स्वरुप दिएकोमा जनताहरु अत्यन्त खुशी भएका छन् । आउने दिनमा थप अरु राहतका सामाग्रीहरु ल्याइने छ ।'
