रक्षाबन्धन
तस्बिरः सानेबहादुर नेपाली रासस
ब्राह्मण समाज नेपाल जिल्ला कार्यसमिति तनहुँले सोमबार दमौलीको अनसन चौतारीमा आयोजना गरेको सामूहिक रक्षाबन्धन कार्यक्रममा रक्षाबन्धन बाँध्दै सर्वसाधारण । समाजका जातीय विभेदलाई अन्त्य गर्न समाजले गत वर्षदेखि सबै जातजातिलाई समान दृष्टिमा राखी सामूहिक रक्षाबन्धन बाँध्दै आएको छ ।
जनैपूर्णिमा
तस्बिर : जनार्दन घिमिरे / रासस
जनैपूर्णिमाको दिन सोमबार गुल्मीको सदरमुकाम तम्घासस्थित भगवती मन्दिरमा सामुहिकरूपमा जनै र डोरो पुज्दै पुरोहितहरु ।
जनै मन्त्रदै पुरोहित
तस्बिर : राधिका कँडेल / रासस
पोखराको केदारेश्वर मन्दिर परिसरमा जनैपूर्णिमाका अवसरमा जनै मन्त्रने कर्म गर्दै पुरोहितहरु।
राष्ट्रपति रामचन्द्र पौडेलले रक्षाबन्धन तथा जनैपूर्णिमाको अवसरमा आज वैदिक विधिअनुसार नवयज्ञोपवित जनै एवम् रक्षाबन्धन ग्रहण गरे । राष्ट्रपति पौडेलसहित प्रथम महिला सविता पौडेलले पण्डित अर्जुन न्यौपानेबाट निर्धारित साइतअनुसार वैदिक विधिअनुसार रक्षाबन्धन ग्रहण गरेका हुन् ।
