मुगु - सिप्टिचौर पाटन हिजो आज आन्तरिक पर्यटकहरुको भिड बढ्न थालेकाे छ। हिउँदमा हिँउमा रमाउन र बर्खामा बनस्पतिहरुसँग रमाउनको लागि सिप्टिचौर पाटनले आन्तरिक पर्यटकहरुको मन तान्दै गएको छ । सिप्टीचौर पाटन जुम्लाको कनका सुन्दरी वडा नम्बर १ र मुगुस्थित छायानाथ रारा नगरपालिका वडा नं ७को सिमानामा पर्दछ ।
कर्णाली राजमार्गको नाग्म गमगढीको भुलभुले देखी अलिमार्थि कर्णाली राजमार्गले छाेएकाे छ । देशकै ठूलो पर्यटकीय गन्तब्य रहेको ताल राराताल पुग्न यहि सिप्टिचौर पाटन भएर आउनुपर्ने भएकाले पर्यटकहरु यो पाटनमा गाढी,बस,मोटरबाईक लगाएतका सवारी साधनबाट ओर्लेर फोटो -भिडियाे खिच्ने ,टिकटक बनाउने गर्दछन् ।
पाटनमा फुल्ने विभिन्न प्रजातिका फुल,बनस्पति,विभिन्न फरक फरक डाँडाकाडाहरुको दृश्य अवलोकन गर्न पाउँदा अप्ठयाराे बाटो हुँदै आएका सबै कष्ट र दुखहरु बिर्सिन्छन् ।
वरिपरि घना सल्ला,धुपी,ठुगो,भाुज पत्र,लालिगुँरास,लगाएतका बनजङगलले घेरेको र बिच पाटनमा चरिरहेका गाँई,घोडा ,भेडाबाख्रा,भैसी वस्तुभाउ,चराचुरुङ्गीहरुको चिरचिराट अनि हरियो गलैँचा बिच्छाएजस्तो पाटन छेउ मै सेतो सडक। यस्तो दृश्य देखे कस्को मन नलोभिएला र ? रारा घुम्न आउने पर्यटकलाई यो पाटनमा पुगेपछी रमाइलो गर्न र व्यक्तिगत तथा सामुहिक फोटाहरु खिच्न मन लागि हाल्ने गरेको पाइन्छ ।
छाँयानाथ रारा नगरपालिका वडा नम्बर ५का मिन बहादुर रावलले आन्तरिक पर्यटकहरुले यस्ताे माैका गुमाउन चाहन्दैनन् र धेरै घुम्न आउने बताएका छन् । सुर्खेत,नेपालगन्ज भएर गाडीको यात्रा गर्दै रारा गन्तव्य बनाएर आएका पर्यटकहरुलाई यहि सिप्टिचौरले थकान मेटाउन तथा प्राकृतिक सुन्दरताले स्वागत गर्न बसेको जस्तो लाग्ने गरेको सिप्टिचौरमा भेटिएका रारा घुम्न आएका बर्दिया तारातालका रन्जन शर्माले बताए ।
उनीसँगै बाइकमा सवार बर्दियाकै निकल बस्नेतले भने, 'कर्णालीको विजोक सडक,दुर्गमतामा जटिल यात्रा गर्दै आउदा यहि सिप्टिचौरले सबै कष्ट,दुख्ख भुलाउदो रहेछ । यहाँ पुग्दा लाग्यो बेग्लै संसारमा छौँ । '
सिजनमा दैनिक जसो यहाँ प्राकृतिक सुन्दरतामा रमाउन सय दुई सय जना आन्तरिक पर्यटकहरु पुग्ने गरेको कनका सुन्दरी गाँउपालिका वडा न १ भुलबुलेका होटल ब्यावसाय देबीलाल भण्डारीले बताए । उनले भने , 'भुलभुले होटल पसल रहेको स्थानबाट हिँडेर २० मिनेट र सवारी साधनबाट पाँच मिनेटसम्म समय लाग्ने गरेको छ भर्ने बर्खाको सिजनमा यो पाटनमा गाई ,भैंसिका खर्कसमेत हुने भएकाले यो पाटन भएर आउने पर्यटकहरुले प्राकृतिक सुन्दरतामा रमाउनुका साथै दहि,दूध,घिउ खानका साथै किनेर लाने गरेका छन् ।'
पछिन्ल्लो समय रारा पुग्ने पर्यटकहरुको रोजाइमा परेको यो पाटनमा विभिन्न व्यक्ती, कार्यालय तथा संघ सस्थाहरुले वार्षिक,जन्म ,उत्सव,पिक्नीक खार्ने,सुटिङ्ग,भिडियो डकुमेन्टी बनाउर्ने,लगाएतका कार्यक्रम आयोजना गर्ने गर्दै आएका छन् । यो पाटनबाट सवारीसाधन भएर रारा ताल पुग्न १ घण्टा मात्र लाग्ने भएकाले पर्यटकहरु अघिल्लो रात बुलबुलेमा रहेका होटेलमा बास बस्ने र विहान १-२ घण्टा सिप्टीचौरमा रमाउने त्यस पछि छाँयानाथ रारा नगरपालिका पिना,ढोटु,झ्यारी,टोना,सल्यारी हुँदै रारा पुग्ने गरेका छन् ।
यस सिप्टिचौरमा दिनानुदिन पर्यटकहरुकाे संख्या बढ्दै गएकाे छ । पर्यटकमैत्री भौतिक,विश्रामस्थल, गोलघर,पार्किङलगाएतका पुर्वाधारको कुनै पनि विकासमा कुनै चासाे देखाइएकाे पाइएकाे छैन । अहिले जे छ त्यो प्राकृतिकले दिएकाे वरदान मात्र छन् । यहाँ पर्यटकहरुलाइ भुलाउने अन्य पूर्वधारका संरचनाहरु बनाउन सकिएमा पर्यटकहरुको बसाइ लम्ब्यान सकिने छ ।
हिरिसडेक नेपाल नामक गैर सरकारी सस्थाले शनिबार यही सिप्टिचौर पाटनमा पर्यटन प्रवर्दनको लागि सिप्टिचौरको थप प्रचार प्रचार गर्न संस्थाको १७ औ वार्षीक साधारण सभा तथा ५ औँ जिल्ला अधिवेशन यही सिप्टिचौरमा आयोजना गरीको हिरिसडके नेपाल सस्थाका अध्क्षय मुकुन्द्र राववले बताएका छन ।
सिप्टिचौर रारा राष्ट्रिय निकुन्ज अन्तरगत मध्यवर्ती क्षेत्रमा पर्ने भएको हुनाले यहाँ पुग्ने पर्यटकहरुले भने निकुन्जको नीतिनियम भित्र रहेर कार्यक्रम गर्न र मनाेरञ्न लिन रारा राष्ट्रिय निकुञ्ज कार्यलयका निमित्त वरिष्ट संरक्षण अधिकृत राजु घिमिरेले आग्रह गरेका छन् ।
-1755862759.jpeg)
