मुगु - यार्सा संकलनमा गएका मुगु जिल्लाबासीहरु पाटनमा मृत्यु भएका परिवारलाई खाद्यान्न लताकपडा सहयोग गरेकाे छ । मुगु जिल्लाको पुवय भेगमा रहेकाे मुगमकामाराेङ गाउँ पालिकामा रहेका विभिन्न पाटनमा पाईने यार्सा टिप्न पाटनहरुमा पुगेको बेला विरामी परेका र लेख लागेर मृत्यु भएकाहरुको परिवारलाइ टेवाले राहत स्वरुप आवश्यक पने खाद्यान्न लताकपडा र अन्य सामाग्रीहरु सहयोग गरेको हाे ।
गत वैशाखदेखि असार मसान्तसम्म यार्सा टिप्न गएका बेला विरामी भएर मृत्यु भएका ४ जनाका परिवार र विरामी परेका २७ जनाको घरपरिवारलाइ दैनिक उपभोग्य,लत्ता कपडा लगायतका राहत सामाग्री सहयोग गरेको टेवाको मुगुस्थित साझेदार सस्था महिला अधिकार केन्द्रका अध्यक्ष सुकमाया शाहिले जानकारी गराइन् ।
यार्सा पाटनमा छायानाथ रारा नगरपालिका वडा न १० का १ जना र वडा न १२ का ३ जना युवाहरुको मृत्यु भएको थियो भने २७ जना परिवारका युवा सदस्यहरु विरामी भएका थिए । यार्सा टिप्न जादा उच्च पाटनसम्म पुग्नु पर्ने,हिमाल चढनु पर्ने भएकोले प्राय युवा,युवती यार्सा टिप्न जाने गर्छन् । एक सिजनमा एउटा परिवारले यार्सा बेचेरै कम्तिमा ३ लाख सम्म आम्दानी गर्ने गर्छन् ।
१५ देखि २० दिनसम्म यार्सा टिपेर वर्षभरिको खर्च पुग्ने भएकाले गाउँ गाउबाट घर नै खाली गरेर युवा शक्ति पाटन पुग्ने गर्दछन् । घरका कमाउने युवा शक्तीको मृत्यु र विरामी हुदा यो सिजनमा प्रभावित परिवार यार्सा टिप्न र आथिक कमाउनबाट बन्चित भएकाले उहाहरुलाइ थोरै भएपनी राहत होस भनेर टेवाको आथिक सहयोगमा राहत उपलब्ध गराइएको महिला अधिकार केन्द्रका अध्यक्ष सुकमाया शाहिले बताइन् ।
अध्यक्ष शाहिका अनुसार राहतमा चामल ५० केजि,१ केजि दाल,खानेतेल १ लिटर,नुन ४ केजि,चिउरा १ केजि,फाइवर सिरक,डसना,तन्ना,सिरानी एक एक सेट सामान र मृतकका परिवारलाई दैनिक उपभोग्य वस्तुहरु अन्य प्रभावित परिवारभन्दा डबलका साथै प्रति परिवारलाई १२ हजार नगद सहयोग गरेकाे छ ।
यार्सा पाटनमा मृत्यु भएर र विरामी परेर प्रभावित भएका परिवारले अहिलेसम्म कहि कतैबाट राहत सहयोग नपाएको र टेवा मात्र पहिलो सहयोगीको रुपमा गाउँमै राहत लिएर आएको छायानाथ रारा नगरपालिका वडा न १० का पिडित सिर्जना कुमाइले बताइन् ।
उनले आखाभरी आँसु निकाल्दै मलिन स्वरमा भनिन्, ‘यार्सा टिप्न गएका बेला श्रीमान देवराज वुढाको पाटन मै मृत्यु भयो । कमाउने घरमा उहाँ मात्र हुनुहुन्थ्यो अब हामी कसरी पालिने होला ? घरखर्च कसरी जुटाउने होला ? हामी कस्को भरमा बसौ ?'
बाढी,पहिरो ,आगलागी,सवारी दुर्घटना, लेख लागेर मृत्यु भएका,विरामी परेका,धनजनको क्षेती भएका प्रभावित परिवारलाइ राज्यको उपस्थित नहुदै राहत लिएर विगत लामो समय देखि टेवा मुगाली पिडितहरुको घर आगनमा पुगि मलम लगाउदै आएको छ ।
