यसपटक उपनिर्वाचनमा मतदाताको उल्लेख्य सहभागिता देखिएन । कति भने बझाङमा ५० प्रतिशतसमेत मतदान भएन । इलाम–२ मा पनि यसपटक गत निर्वाचनमा भन्दा करिब दुई प्रतिशत बिन्दुले मत कम खस्यो । दलहरुको उल्लेख्य सहभागिता र उम्मेदवार उल्लेख्य भए पनि किन मतदानमा मतदाता आइपुगेनन् ? दलहरुले यसबारे सोच्नुपर्ने बेला आएको छ । गत निर्वाचनभन्दा बझाङमा करिब चार प्रतिशत बिन्दू न्यून मत कम खस्यो ।
निर्वाचन आयोगले मतदाता नामावली आद्यवधिक नभएको र नाम भएकाहरु मतदानमा सहभागी नभएको हुनसक्ने अनुमान गरेको छ । गत निर्वाचनमा इलाम प्रतिनिधिसभा–२ मा ५९.७८ मतदान भएकोमा यसपटक ५७.४४ मात्र मतदान भयो । बझाङको प्रदेशसभा (१) मा ५२.९८ मतदान भएकोमा यसपटक ४९.१२ मा सीमित रह्यो ।
मिसन ८४ को सांकेतिक क्षेत्र मानिएको इलाममा पनि मतदाताको सहभागिता घट्नु दलह?का लागि चुनौतीको विषय हो । पुराना दलबाट आजित भएको भनिए पनि जनताले नयाँ दललाई पनि नरुचाएको इलामको प्रारम्भिक रुझानबाट देखिएको छ । राष्ट्रिय स्वतन्त्र पार्टीलाई जनताले नयाँ जोशका साथ आएको पार्टीका रुपमा हेरिएको थियो । तर नयाँ पार्टीको उद्देश्य पनि विकास र सुशासनभन्दा सत्ता नै देखिएको छ । राष्ट्रिय स्वतन्त्र पार्टी (रास्वपा) निर्वाचन भएयता दुईपटक सरकारमा गइसकेको छ ।
पुराना दलको पुरानै रोग हो, सत्तामा जानु । सुशासनको गफ चुटेर जनतालाई दिउँसै अँध्यारो पार्ने काम पनि पुरानै रोग हो । यही रोग नयाँ पार्टीमा पनि सरेको छ । यही विषयप्रति जनमत रुष्ट छ । जनताले कानुन बनाउने पठाउने विधायकह? भ्रष्टाचार र विभिन्न काण्डमा मुछिएका छन् । संसद्मा छेउ–कुनाका कुरा गर्छन् । जसका कारण उनीह?को कुराको कुनै प्रभाव पनि परेको देखिन्न ।
उपनिर्वाचनअघि प्रतिनिधिसभाले तीनवटा महत्वपूर्ण अधिवेशन सकाइसकेको छ । तर संसद् अनिर्णयको बन्दी बन्दै गएको छ । नेपाली कांग्रेस र नेकपा एमालेजस्ता पार्टीले यसलाई शक्ति प्रदर्शनको थलो बनाएका छन् । एकपछि अर्को दल सत्ताबाट बाहिरिएलगत्तै संसद् अवरोधमा उत्रन थालेका छन् । पहिले सुनकाण्डमा उच्चस्तरीय समिति माग गर्दै एमालेले सदन अवरोध गरेको थियो । अहिले सहकारी ठगी प्रकरणमा नेपाली कांग्रेसले संसदीय छानबिन समितिको माग गर्दै सदन अवद्ध पार्यो ।
प्रधानमन्त्री पुष्पकमल दाहाल नयाँ दल रास्वपाका अध्यक्षसमेत रहेका उपप्रधान तथा गृहमन्त्री रवि लामिछानेलाई सत्ता जोगाउनैका लागि भए पनि रुष्ट बनाउन तयार छैनन् । जसका कारण संसद् अनिर्णयको बन्दी भएको छ । यसरी नयाँ दल पनि ‘जुन जोगी आए पनि कानै चिरेका’ देखेर मतदानमा सहभागी नभएको हुनसक्छ ।