काठमाडौं - ग्रील तथा स्टील व्यवसायी संलग्न उद्योगी र ग्रील श्रमिकलाई टिटी खोप लगाइएकाे छ। ग्रील तथा स्टील व्यवसायमा संलग्न उद्योगी र ग्रील श्रमिकको लागि टिटी खोप अति नै आवशयक हुने भएकाले कपन इकाइ समितिले टिटी खोपको आयोजनामा टिटी खोप लगाइएकाे हाे। ग्रील तथा स्टील व्यवसायी सघ काठमाडौ पूर्बी क्षेत्रीय समिति अन्तर्गतको कपन इकाइ समितिले शनिबार आयोजना गरेको ग्रील तथा स्टील व्यवसायीहरुका लागि नि :शूल्क टिटी खोप दिएका हुन् ।
देशमा आर्थिक मन्दीका कारण बन्द हुन लागेका ग्रील उद्योहरुलाई सरकारले राहतका कार्यक्रमहरु ल्याउनुपर्नेमा एक कार्यक्रमका सहभागीहरुले जोड दिएका छन् । समितिले लाखौलाई रोजगारी दिइरहेको ग्रील व्यवसाय पूर्ण रुपमा सन्चालन गर्नसक्ने वातावरण बनाइ दिन सरकारको ध्यानाकर्षण गराएका छन् ।
नेपाल घरेलु तथा साना उध्योग महासघका वस्तुगत उपाध्यक्ष एवं ग्रील तथा स्टील व्यवसायी महासंघ नेपालका सस्थापक अध्यक्ष समेत रहेका कटुवालले ग्रील तथा स्टील व्यवसायिका समस्याहरु समाधान गर्न नेपाल घरेलु तथा साना उध्योग महासघले सदैव पहल गर्ने बताए । खोपको अवसरमा वर्षभरि काममा ब्यस्त हुने ग्रील व्यवसायी र श्रमिकलाई लक्षित गरी बृहत् वनभोज कार्यक्रमले ब्यवसायी र श्रमिकलाइ वर्षभरि गरेको कठिन परिश्रमबाट थकित शरिरलाई आराम अनि मनोरञ्जन प्रदान गर्ने उनले बताए ।
कपन इकाइ समितिका अध्यक्ष भेषराज श्रेष्ठको सभापतित्वमा सम्पन्न कार्यक्रममा महासघका वरिष्ठ उपाध्यक्ष अमृतबहादुर श्रेष्ठ, काठमाडौ जिल्ला अध्यक्ष सुनिलकुमार अमात्य, महासचिब पशुपति श्रेस्ठ, पूर्वी क्षेत्रीय अध्यक्ष बिष्णुकुमार श्रेष्ठलगायतका ग्रील तथा स्टील व्यवसायमा देखिएका समस्याहरु सबै मिलेर समधान गर्नुपर्ने धारणा राखे ।
काठमाडौं जिल्लाभित्र रहेका ९ वटा इकाई समितिका अध्यक्ष तथा पदाधिकारीहरु उपस्थित भएको कार्यक्रममा ग्रील व्यवसायी र व्यवसायमा आश्रित परिवारको उपस्थिति रहेको थियो । कार्यक्रममा ९० जनाले निशुल्क टिटी खोप लगाएका समितिले जनाएकाे छ । कार्यक्रमको समापन गर्दै कपन इकाइ अध्यक्ष भेसराज श्रेष्ठले टिटी खोप र वनभोज कार्यक्रमलाई सफलतापूर्वक सम्पन्न गर्न सहयोग गर्नुे सबैलाई धन्यवाद दिदै हुँदै आगामी दिनहरुमा पनि यस्ता किसिमको अन्य स्वास्थ शिबिर सन्चालन गर्दै जाने बताए ।
