काठमाडौं - उद्योग विभागमा चालु आर्थिक वर्ष (आव)को फागुन मसान्तसम्म ९ हजार २२४ वटा साना तथा ठूला उद्योगहरू दर्ता भएका छन् । आवको साउनदेखि फागुनमसान्तसम्म दर्ता भएका साना तथा ठूला उद्योगहरूमा २९ खर्ब ९२ अर्ब ७० करोड रुपैयाँ लगानी भएको उद्योग विभागले सार्वजनिक गरेको तथ्यांकमा उल्लेख छ ।
साउनदेखि फागुन मसान्तसम्म विभिन्न क्षेत्रमा दर्ता भएको नौ हजार माथि उद्योगहरूमा ६ लाख ९८ हजार ५१० जनाले रोजगारी पाएको विभागले जनाएको छ । चालु आवको साउनदेखि फागुन मसान्तसम्म सबै भन्दा बढि उर्जामुलक क्षेत्रमा लगानी भएको छ भने समीक्षा अवधिमा खनिजमा कम लगानी देखिएको छ ।
फागुन मसान्तसम्म उर्जामूलकमा १७ खर्ब १७ अर्ब ८१ करोड रुपैयाँ लगानी गरेका छन् । यस क्षेत्रमा ४६३ वटा उद्योग दर्ता भएको छ भने ४२ हजार २३१ जनाले रोजगारी पाएका छन् । त्यसैगरी उत्पादनमूलकमा ३ हजार ४४५ वटा उद्योग दर्ता भएको छ । दर्ता भएको उद्योगमा ६ खर्ब ३६ अर्ब ३६ करोड रुपैयाँ लगानी गरेका छन् भने ३ लाख ६३ हजार ४४९ जनाले रोजगारी पाएका हुन् ।
समीक्षा अवधिमा ७३ वटा पूर्वाधारमा ५४ अर्ब ३३ करोड रुपैयाँ लगानी गरेको छ । उक्त पूर्वाधारमा ४ हजार ५६१ जनाले रोजगारी पाएका छन् । कृषि तथा वन पैदावारमा आधारित ५३४ वटा दर्ता भएको छ । दार्त भएको उक्त उद्योगहरूमा फागुन मसान्तसम्म ४१ अर्ब ३८ करोड रुपैयाँ लगानी गरेको छ भने ४० हजार १६२ जनाले रोगारी पाएका छन् ।
उद्योग वर्गीकरण:
| उद्योग वर्गीकरण |
उद्योगको संख्या |
कुल लगानी |
रोजगारी |
| ( रु करोडमा) |
| कृषि तथा वन पैदावारमा आधारित (AGRO AND FORESTRY BASED ) |
५३४ |
४,१३८.४२ |
४०,१६२ |
| पूर्वाधार (CONSTRUCTION ) |
७३ |
५,४३३.३७ |
४,५६१ |
| उर्जामूलक( ENERGY BASED) |
४६३ |
१७१,७८१.३६ |
४२,२३१ |
| सूचना, प्रसारण तथा सञ्चार प्रविधिमा आधारित (Information Technology ) |
१२० |
९५४.९१ |
८,१२१ |
| उत्पादनमूलक (MANUFACTURING) |
३,४४५ |
६३,६३६.०४ |
३६३,४४९ |
| खनिज (MINERAL) |
७८ |
८१८.१८ |
७,६३२ |
| सेवामूलक(SERVICE ) |
२,४५२ |
२७,०५६.९० |
१४३,६८३ |
| पर्यटनमूलक( TOURISM ) |
२,०७९ |
२५,४५१.३१ |
८८,६७१ |
| जम्मा |
९,२४४ |
२९९,२७०.४७ |
६९८,५१० |
स्राेत : उद्योग विभाग
यसै अवधिमा सूचना, प्रसारण तथा संचार प्रविधिमा आधारित १२० वटा उद्योग दर्ता भएको छ । दर्ता भएको उद्योगहरूमा ९ अर्ब ५४ करोड रुपैयाँ लगानी गरेका छन् । त्यसैगरी सेवामूलक क्षेत्रमा २ हजार ४५२ वटा उद्योगहरू दर्ता भएको छ । सेवामूलकमा दर्ता भएको उद्योगहरूमा २ खर्ब ७० अर्ब ५६ करोड रुपैयाँ लगानी गरेको छन् भने १ लाख ४३ हजार ६८३ जनाले रोजगारी पाएका छन् ।
पर्यटन क्षेत्रमा २ हजार ७९ वटा कम्पनी दर्ता भएको छ । उक्त कम्पनीहरूमा २ खर्ब ५४ अर्ब ५१ करोड रुपैयाँ लगानी गरेका छन् । दुई हजार ७९ कम्पनीमा ८८ हजार ६७१ जनाले रोजगारी पाएका छन् । खनिजमा ७८ वटा मात्रै दताएको छ । खनिजमा ८ अर्ब १८ करोड रुपैयाँ लगानी भएको छ भने ७ हजार ६३२ जनाले रोजगारी पाएका छन् ।
