काठामाडाैं - रातको समयमा चोरी गर्ने तीन व्यक्तिहरु पक्राउ परेका छन् । मगंलबार रातको समयमा चोरी गर्ने कृष्ण पोदार ,फ्रुटी भन्ने किसन गिरी र बिक्रम गर्तौलालाई प्रहरीले पक्राउ गरेका हुन् ।
का.जि.का.म.न.पा. वडा नं.९ गौशला स्थित बाल कृष्ण श्रेष्ठको घरबाट सुनका विभिन्न गरगहना तथा नगद गरी जम्मा रू.१३,५०,०००/- अक्षरुपी (तेह्र लाख पचाँस हजार) बराबरको धनमाल चोरी गरि लगेको घटनाको अनुसन्धानको क्रममा उक्त घटनामा संलग्न भारत देश बिहार राज्य समस्तिपुर जिल्ला मुरातपुर ग्राम रुसरा थाना स्थायी घर भई हाल का.जि.का.म.न.पा.वडा नं.८ तिलगंगा बस्ने बैजनाथ पोदारको छोरा वर्ष २१ को कृष्ण पोदारको संलग्नता रहेको भनि खुल्न आएकोले निजलाई प्रहरीले पक्राउ गरेकाे हाे ।
थप अनुसन्धान गर्दै जादा भारत देश मोतीहारी जिल्ला राजापुर घर भई हाल का.जि.ऐ.ऐ.तिलगंगा बस्ने बिनोद गिरीको छोरा वर्ष १९ को फ्रुटी भन्ने किसन गिरी र जिल्ला काठमाण्डौ नागार्जुन न.पा.वडा नं.६ सितापाईला घर भएका ईन्द्र बहादुर बिश्वकर्माको छोरा वर्ष ३० को बिक्रम गर्तौला समेतका व्यक्तिहरुलाई पक्राउ गरेकाे हाे ।
थप अनुसन्धान तथा कारबाहीका लागि का.जि.सिनामंगल शम्भुमार्गबाट पक्राउ गरी प्रहरी वृत गौशला पठाईएको जनाइएकाे छ ।
