कलंकी- देवयानी इन्टरनेशनल नेपाल प्रा.लि. ले फरक क्षमता भएकाले सञ्चालन गरेकाे पहिलो विशेष केएफसी रेष्टुरेन्ट खोलेको छ । सेप्टेम्बर २३ मा मनाइने अन्तर्राष्ट्रिय सांकेतिक भाषा दिवसको अवसरमा देवयानी प्रा.लि. ले समान अवसरहरू सिर्जना गर्न विशेष रूपमा बोल्ने र श्रवण–शक्ति नभएका महिला कार्यकर्ताद्वारा सञ्चालित नेपालको पहिलो विशेष केएफसी खोल्ने सञ्चालनमा ल्याएको हाे ।
रेष्टुरेन्टमा अधिकांशका सदस्यहरू विशेष क्षमता भएका महिलाहरु कार्यरत रहेका छन् । त्यस्ता फरक क्षमता भएका जोशपूर्ण र समर्पित टोलीहरु सम्पूर्ण रेष्टुरेन्ट व्यवस्थापन गर्न सीपहरूले प्रशिक्षित रहेकाे केएफसीले जनाएकाे छ ।
विशेष टोलीको उत्साह र समर्पणले अन्तर्राष्ट्रिय साङ्केतिक भाषा दिवसको भावनालाई स्वरूप दिने देवयानी प्रा.लिले जनाएकाे छ । व्यापक प्रशिक्षणको साथ ग्राहकहरूलाई विशेष टोलीद्वारा सेवा दिने सुनिश्चित गरेकोमा केएफसी विश्वस्त रहेकाे छ ।
केएफसी इन्डिया र नेपालका सी.ई.ओ, रजत लुथराले बोल्ने र श्रवणशक्ति नभएका महिलाहरूद्वारा सञ्चालित पहिलो केएफसी रेष्टुरेन्ट खोल्ने पहलमा खुसी व्यक्त गरेका छन् । परिवर्तनकारी प्रभावमा आफ्नो अटल सहयोगको वाचा पनि उनले गरेका छन् ।
उनले भने, “यो एक संस्थाको रूपमा देवयानी इन्टरनेशनल नेपाल को लागि महत्त्वपूर्ण उपलब्धि हो र हामीलाई विश्वास छ विविधता र समावेशीताले हाम्रो समुदायलाई समान बनाउन मद्दत गर्दछ । यो विशेष टोलीका साथ हामीले स्वीकृति र मान्यताको लोकाचारलाई बढावा दिने लक्ष्य राख्छौं । हामी लेप्रोसी मिसन नेपालप्रति आभारी छौं जसको समर्थनले हामीले यो विशेष टोली संयोजन गर्न र वहाँहरूसँग काम गर्ने मौका पाएका छौँ ।”
“अन्तर्राष्ट्रिय सांकेतिक भाषा दिवस मनाउँदै देवयानी इन्टरनेशनल लिमिटेडले विशेष रूपमा बोल्ने र सुन्ने क्षमता नभएका व्यक्तिहरूका लागि रोजगारीका अवसरहरू विस्तार गर्ने र आगामी वर्षहरूमा त्यस्ता रेष्टुरेन्टहरू थप्ने वाचा गर्दछ ।” उनले भने ।
केएफसी बारेमा :
केएफसी एक विश्वव्यापी चिकन रेष्टुरेन्ट ब्रान्ड हो जसको सफलता र नवप्रवर्तनको समृद्ध, दशक लामो इतिहास छ । यो सबै एक कुक, कर्नल हार्ल्यान्ड स्यान्डर्सबाट सुरु भएको थियो, जसले ८० वर्ष भन्दा बढी पहिले रेसिपी बनाएका थिए र हामी आज पनि १४५ देशमा २६,००० रेष्टुरेन्ट स्यान्डर्सकै रेसिपीको पालना गरिरहेकाे छ ।
