भारत- भारतको राजधानी नयाँदिल्लीमा आज आइतबार बिहान गोली हानेर दुई जना महिलाको हत्या गरिएको छ।
हत्या गरिनेमा ३० वर्षकी पिंकी र २९ वर्षकी ज्योति रहेको खुलेको छ। उनीहरुमाथि गोली चलाउने व्यक्तिको पहिचान खुल्न बाकि रहेको छ ।
हिन्दुस्तान टाइम्स अनुसार दक्षिण–पश्चिम दिल्लीको आरके पुरम क्षेत्रमा बिहान सवा चार बजेतिर यो गोलीकाण्ड भएको हो।
प्रारम्भिक अनुसन्धानमा ती अपरिचित व्यक्ति पैसा लेनदेनको विषयमा कुरा गर्न मृतकका भाइलाई खोज्दै आएको खुलेको छ। प्रहरीले घटनाको विस्तृत अनुसन्धान भइरहेको जनाएको छ।
