काठमाडौं - प्रतिनिधिसभाको बैठक आज बिहान ११ बजे बस्ने भएको छ । बैठकमा आर्थिक वर्ष २०८०/०८१ को राजस्व र व्ययको वार्षिक अनुमानमाथिको सामान्य छलफलमा बोल्न बाँकी सांसदले भाग लिने कार्यसूची रहेको छ ।
त्यसपछि अर्थमन्त्री डा.प्रकाशशरण महतले उक्त छलफलमा उठेका प्रश्नहरूको उत्तर दिनेछन् । त्यस्तै आज विनियोजन विधेयक २०८० र राष्ट्र ऋण उठाउने विधेयक २०८० लाई प्रस्तुत गर्न अनुमति माग्ने प्रस्तावमाथि सांसद प्रेम सुवालले राखेको विरोधको सूचनालाई निर्णयार्थ प्रस्तुत गरिनेछ ।
त्यसपछि अर्थमन्त्री महतले ‘विनियोजन विधेयक, २०८०’ प्रस्तुत गर्ने कार्यक्रम छ ।आजैको बैठकमा ‘राष्ट्र ऋण उठाउने विधेयक, २०८०’ लाई प्रस्तुत गर्न अनुमति माग्ने प्रस्तावमाथि सांसद सुवालले राखेको विरोधको सूचनालाई पनि निर्णयार्थ प्रस्तुत गरिनेछ ।
त्यसपछि अर्थमन्त्री महतले ‘राष्ट्र ऋण उठाउने विधेयक, २०८०’ प्रस्तुत गर्ने कार्यसूचि रहेको छ ।
प्रकाशित मिति: आइतबार, जेठ २८, २०८० १०:३४
-1752335779.jpg)
