आजकल गाउँ, सहर, लेकबेसीदेखि विदेशमा बस्नेहरुले समेत मुर्रा भैंसी कण्ठस्थ पारेका छन् । भैंसीको मासु खानेहरुले त झन् जिब्रो पट्काएर भन्न थालेका छन् । क्या वात मोदी, क्या वात् प्रचण्ड । बल्ल जिब्रोले स्वाद फेर्न पाउने भो । भैंसी राँगो ठम्याउन नसक्नेहरुले यस्तै कुरा गर्दै छन् ।
नेपालका प्रधानमन्त्री पुष्पकमल दाहाल विमान चढेर भारत पुगे । भारतमा उनले दिल्लीकी सिल्ली अप्सराबाट स्वागत पनि पाए । दिल्लीमा सिल्ली कुरा त कति भो भो । आफ्ना छिमेकी भाइ आका । केही न केही त उपहार चिनो राखेरै पठाउनु प¥यो । विचरा मोदीलाई निकै तनाव भएछ । के दिने के दिन ! विचरा उताका प्रधानमन्त्रीलाई यताका प्रधानमन्त्री भैंसीभक्त हुन् भन्ने सन्देश पुग्छ । मोदीजी तीन छक्क । ‘अरे क्या वात कर्ता है, ओ तो हिन्दु लोग हैं केसी भैंसका भक्त हो सक्दा हैं ’ ।
उताका सल्लाहकार पनि कम्ताका छन् र दुईचार वटा फोटो महामहिमसमक्ष पेस गरिहाले । ‘देखिए, दाहालजी नै नेपालमें भैंसका पूजा कर्ता हैं ।’ मोदीजीले सेता चस्मा फुकाल्दै आफ्नो छोटे भाइको फोटो नियाल्दै मुसुमुसु हाँस्दै भने । यें ठीक वात हैं, उनको देनेके लिएँ भैंस तयार करों, हो सक्दा हैं प्रचण्डजी भैंसमा खुस हो सक्दा हैं’ ।
महामहिमको आदेश पाएका मोदीजीका भन्ट्याङभुन्टुङहरुले स्मरण गराए । ओलीजीके पालामा राँगा माग्या छन्, यही मौकामा राँगा उपहार दिएर पठाउँ । दुवै नेपाली कमाउनिस्ट खुसी, माग्ने पनि लाने पनि !
भन्ट्याङ भुन्टुङका कुरा सुनेर मोदीजीलाई के खोज्छस् कानो कुन्नी के भनेजस्तै भइगो । पन्ध्रवटा राँगो उपहार दिने हल्ला ‘एक कान, दुई कान, मैदान’ भइगो । नेपालका अघोषित सञ्चारमाध्यमहरुले ढोली पिट्न थालिगए । मोदीले प्रचण्डलाई १५ थान मुर्रा भैंसी उपहार दिँदै छन् ।
मोदीले भैंसी दिए कि राँगो दिए । कसैलाई पत्तै छैन । भारत भ्रमणमा पुगेका पत्रकारहरुलाई गेटमै उभ्याइदिएपछि दिल्लीको गर्मीको रापले पसिनै पसिना भएकाले होला । ‘ब्रेकिङ न्युज’ फालिहाले ‘प्रचण्डलाई मोदीको १५ वटा मुर्रा भैंसी उपहार’ ! भैंसी दिए कि राँगा दिए पत्तो पाउन नसक्नेले कसरी पत्रकारिता गरोस् । भारतका मोदीले भैंसी होइन राँगा उपहार दिएका हुन् । सत्य धरोधर्म ! मागेका त पुरानै कम्युनिस्ट हो, ल्याएका मात्र नयाँ कम्युनिस्टले हो । तर, जे होस् नेपाली कम्युनिस्ट मुर्रा भैंसी हो कि राँगो मुर्गा भने पक्कै हो ।
यता सामाजिक सञ्जालमा मुर्गाहरु कुर्लेको कुल्यै । उता मुर्रा भैंसी उँगेको उँगै । कहिले जाने जाने ? जाने कि नजाने । मुर्रा भैंसीलाई मुर्गाहरुले ‘डिस हान्न मिल्छ ?’ कोल्याप्स गर्न मिल्छ ? अहिलेको हो यो मुर्राको बाउलाई ल्याउन खोजेका रै’छन् कम्युनिस्ट ‘बा’ ले । उनै बाको सत्ता पनि ढल्यो मुर्राको बाको पनि उमेर हद सकिएछ । त्यही भएर अहिले नेपाली मुर्गालाई त्यही मुर्राको छोरा उपहार पठाएको हो के ! राँगो ।
मुर्रा रिसाएर हैरान छ रे । म त ज्यान जाला जान्न भन्दै छ अरे । मोदीका भन्ट्याङभुन्टुङहरुलाई कम सास्ती भएको छ । अन्तर्राष्ट्रिय ब्राण्ड बनिसक्यो ‘मुर्रा’ तर जान खोज्दैन, किन हो यो मुर्गा ? जाओस् पनि किन उसकै ‘बा’ कन्युनिस्टका बाले लान खोजेको । अहिले पो समयले साथ दिएन र छोराको पालो आको अरे । त्यसपछि दुवै बाउ मिलेपछि कसको बाउको के जान्छ ?सत्य, धरो कर्म घाँटीको नसो समातेर कसम खाँए । तर पनि कलियुगको कसमले कसलाई लाग्ने हो र खाइदिन्छ नि कसले ।
उहाँ आर्जु भाउजुले त छोराको कसम खाएर शरणार्थी जिन्दावाद गदिइन् अरे । यहाँ त मुर्राको पो कुरा छ त ? काम लागुञ्जेल लिने त्यसपछि छाला पनि नछाड्ने नेपालको मुर्राका लागि जे सुकै त होस् तर कम्युनिस्ट मुर्गाहरुचाहिँ विचलन नहोउन् भन्ने हो । तर, अहिले कम्युनिस्टहरु नै सिला खोज्नु भएकोले मुर्राले मुर्गा हान्दै छ भन्ने पनि थाहा नपाउने हुनसक्छ ।
त्यसैले भारतको मुर्रा राँगो नेपालको सँग सम्बन्ध नै गाँस्न खोजिरहेको छैन रे । मुर्रा राँगोलाई नेपालीले भैंसी बनाएर मानहानी गरेको भन्दै रिसाको छ । उ त नेपालमा आएर मानहानीको मुद्दामा पो जाने हो कि भन्ने डर पनि छ रे । सुरुमै मानहानि गर्ने देशमा के जानु भन्दै छ रे मुर्गाहरुलाई मुर्राले ।
मुर्राले आफ्नो अस्तित्वमाथि नै शंका गरेका कारण आफ्नै नागरिक बेच्नेहरुमाथि शंका गरेछन् । माग्ने पनि कम्युनिस्ट मुर्गा, लाने पनि कम्युनिस्ट मुर्गा । यी दुवै मुर्गा राजनीतिका ! यी माथि परै पर्दिन । छिनछिनको कुरो फेर्छन् भन्दै छ अरे मुर्राले !
उपहारका रुपमा जान लागेको मुर्रा दिल्लीमै अनसन बस्ला कि भन्ने गर मोदीजीका भन्ट्याङभुन्टुङहरुलाई परिरहेको छ रे । समय पो मिलेन कि ? साइत पो परेन कि ? यहीबेला मुर्राले ‘हाइट’ लिँदा विचराहरु तनावमै छन् । मुर्रालाई पठाइसकेपछि भोलि नाम नै फेरिएला, अस्तित्व कहाँको हुने भन्ने शंका पनि छ अरे ।
मुर्रा भन्छ रे, मलाई नेपाली मुर्गा कम्युनिस्टहरुको विश्वास नै छैन । कुन बेला कसलाई मुर्गा बनाउँछन् अनि कुन बेला आफै मुर्गा बन्छन् अत्तो पत्तै छैन । हाम्रा मोदी ठूलाबा र ठूलोवाका दाई भाइहरुले मुर्गा बनाएको दशकौं नाघिसक्यो । यी मुर्गाको मुर्गै बनिरहेका छन् । कतै म मुर्रालाई पनि मुर्गा बनाउँछन् राजनीति गरेर भन्दै मोदी ठूलोबासँग हाम्वा हाम्वा पो गर्दै छन रे त ? भनेसी मुर्रा भैंसीले त विश्वास गरेन भने अब यिनलाई कसले विश्वास गर्ला ? सत्य धेरो धर्म ।
