काठमाडाैं - राज्यले दलित समुदायको विषयमानबोलेकाे भन्दै बागमती प्रदेशकी दलित समुदायकी सांसद सुना परियारले बताएकी छिन् ।
दलित समुदायको विषयमा राज्यले भएका समस्यालाई जस्ताको तस्तै नबोलेकाे भन्दै बागमती प्रदेशकी दलित समुदायकी सांसद सुना परियारले बताएकी छिन् ।
उनी भन्छिन् कि राजनीति मूलभूत रुपमा वर्गीय समस्या समाधानका लागि हो ।विकासका लागि हो । सकरात्मक परिवर्तनका लागि हो । विभेदमुक्त समाज निर्माणका लागि हो ।वर्गीय समस्या समाधान गर्ने भनेको तल्लो वर्ग वा कमजोर वर्गलाई माथि उठाउने कुरा हो ।
त्यसको लागि नेपालको वर्गीय समस्या बुझ्नु पर्छ । कमजोर वा तल्लो वर्ग भनेको आर्थिक स्थिति कमजोर भएको, श्रम शोषणमा परेको , विभेदमा परेको,राजनीतिक रुपमा निर्यण गर्ने ठाउँमा नपुगेको ,रोजगारी नभएको , पढ्न लेख्न नपाएको भनेको हो ।
यति भएपछि वर्गीय समस्या बुझियो । यही व्याख्याको आधारमा बुझ्ने हो भने नेपालको कमजोर वर्ग भनेको मुख्य रुपमा दलित समुदाय नै पर्छ ।किनभने नेपालमा दलित समुदायको जनसंख्या लगभग १४% छ ।
अधिकतम प्रतिशत दलित समुदायका मान्छेको आर्थिक स्थिति नाजुक छ , शोषणमा छन् , निर्णय गर्ने ठाउँमा छैनन र विभेद भोगी रहेका छन् । तर नेपालमा केहि बाहेक धेरै जसो नेताहरुले दलित समुदायका मुद्धा उठाउँदैनन्। उनीहरूलाई राजनीतिमा अगाडि ल्याउने बारेमा सोच्दैनन् ।
उनीहरूले भोगिरहेको विभेदको बारेमा सोच्दैनन र कैले पनि भाषणमा एकदमै खुलस्त भएर दलित समुदायको बारेमा बोल्दैनन् । र उनीहरूका समस्या समाधानका लागि कार्यक्रम बनाउँदैनन् । दास बनाइएका महिलाको हकहितको लागि बोल्दैनन् ।
उत्पीडित जनजातिको लागि बोल्दैनन् । मधेसी समुदायको हकहितको लागि बोल्दैन । दुर्गमकाहरुको लागि बोल्दैन । त्यसैले यदि कुनै पनि नेताले दलित समुदायको लागि बोल्दैन भने त्यो नेता नै होइन ,उसको नेपालमा राजनीति गर्नेको एउटा उदेश्य दलित समुदायको समस्या समाधान पनि हुनु पर्छ ।
त्यसैगरी यदि महिला ,जनजाति ,आदिवासी लगायत उत्पीडित हरुको लागि बोल्दैन भने त्यो पनि नेता नै होइन । नेताले भौतिक विकास मात्र होइन समाजमा व्याप्त हरेक समस्याको समाधानको उपाय खोज्नु पर्छ । त्यसैले अब तपाईं हामीले हाम्रा हालका नयाँ पुराना सबै आफूले आफूलाई राजनीति गर्छु भन्नेलाई मूल्यांकन गर्न सक्नु पर्छ । को नेता हो को होइन भनेर?
