काठमाडौं– जिम्बाब्वे विश्वको सबैभन्दा दुखी देशको रुपमा घोषित भएको छ ।
प्रख्यात अर्थशास्त्री स्टिभ ह्यान्केको वार्षिक दुःख सूचकाङ्क
Annual Misery Index (HAMI) मा जिम्बावे सबैभन्दा दयनीय देशको रूपमा परेको छ । युक्रेन, सिरिया र सुडान जस्ता युद्धग्रस्त राष्ट्रहरूलाई पछाडि पारेको अफ्रिकी देश गत वर्ष २४३ दशमलव ८ प्रतिशत पुगेको मुद्रास्फीतिले सबै भन्दा दखी देश हुन पुगेको हो ।
न्युयोर्क पोस्टका अनुसार र्याङ्किङका लागि कुल १५७ देशहरूको विश्लेषण गरिएको थियो।
आश्चर्यजनक मुद्रास्फीति, उच्च बेरोजगारी, उच्च ऋण दर, र एनिमिक वास्तविक जीडीपी वृद्धिका कारण जिम्बाब्वे २०२२ को वार्षिक दुःख सूचकाङ्कमा विश्वको सबैभन्दा दयनीय देशको रूपमा परेको ह्यान्केले दाबी गरेका छन् ।
हान्केले देशको शासक राजनीतिक दल जेएपी र यसका नीतिहरूलाई ठूलो दुःख निम्त्याएको आरोप पनि लगाएका छन्।
जिम्बाब्वे बाहेक भेनेजुएला, सिरिया, लेबनान, सुडान, अर्जेन्टिना, यमन, युक्रेन, क्युवा, टर्की, श्रीलंका, हाइटी, अंगोला, टोङ्गा र घाना सबैभन्दा दयनीय राष्ट्रको शीर्ष १५ देशको सूचीमा परेका छन् ।
यसैबीच, स्विट्जरल्याण्डको सबैभन्दा कम
Annual Misery Index (HAMI) स्कोर रहेको छ । जसको अर्थ हो यहाका नागरिकहरू सबैभन्दा खुसी छन्। त्यसको एउटा कारण स्विस ऋण ब्रेक हो । हान्केले राष्ट्रको खुशीको सफलताको लागि कम ऋण–जीडीपी अनुपातलाई श्रेय दिँदै लेखेका छन्।
दोस्रो खुसी राष्ट्र कुवेत, त्यसपछि आयरल्याण्ड, जापान, मलेसिया, ताइवान, नाइजर, थाइल्याण्ड, टोगो र माल्टा रहेका छन् ।
अर्कोतर्फ, सूचीमा भारत १०३ औँ स्थानमा छ, जसमा बेरोजगारी समस्यामा योगदान दिने कारक रहेको छ।
अमेरिका सूची १३१ औं स्थानमा छ । लगातार ६ वर्षसम्म विश्वको सबैभन्दा खुसी राष्ट्रको सूचिमा रहेको फिनल्याण्ड दुखी सूचकाङ्कमा १०९ औँ स्थानमा परेको छ ।
जोन हप्किन्स विश्वविद्यालयका एप्लाइड इकोनोमिक्सका प्रोफेसर स्टिभ हान्केले वार्षिक दुःख सूचकांक कम्पाइल गरेका हुन्।
