दाङ - लुम्बिनी प्रदेशका मुख्यमन्त्री डिल्लीबहादुर चौधरीले तीन जना मन्त्री थप्दै मन्त्रिपरिषद् विस्तार गरेका छन् । साेमबार कांग्रेसबाट राजु खनाल स्वास्थ्य मन्त्री, जनता समाजवादी पार्टीका भण्डारी लाल अहिर कृषि तथा भूमि व्यवस्था मन्त्री र जनमत पार्टीका चन्द्रकेश गुप्ता सामाजिक विकास मन्त्री थपेका हुन् ।
वैशाख १५ मा मन्त्री बन्नुभएका नागरिक उन्मुक्ति पार्टीका धर्मबहादुर चौधरीलाई भौतिक पूर्वाधार विकास मन्त्रालय र लोकतान्त्रिक समाजवादी पार्टीका सन्तोष पाण्डेलाई आन्तरिक मामिला, कानुन तथा सहकारी मन्त्रालयको जिम्मेवारी दिइएको छ ।
खानेपानी ग्रामीण तथा सहकारी विकास, वन तथा वातावरण मन्त्रालय, उद्योग पर्यटन तथा यातायात व्यवस्था मन्त्रालय चौधरीले आफूसँगै राख्नु भएको छ ।
भागबण्डाका लागि मन्त्रालय फुटाउने तयारी भए पनि अब अघिल्लो सरकारको पालामा रहेका मन्त्रालयहरुको सङ्ख्यालाई नै कायम राख्ने मुख्यमन्त्री चौधरीले बताएका छन् ।
