काठमाडौं – काठमाडौंकाे बागबजारमा एक महिने मूर्ति निर्माण तालिम कार्यक्रम सम्पन्न भएको छ । संस्कृति, पर्यटन तथा नागरिक उड्डयन मन्त्रालय बौद्ध दर्शन प्रवद्र्धन तथा गुम्बा विकास समिति, ललितपुरको आयोजनामा बागबजारमा सञ्चालित एक महिने मूर्ति निर्माण तालिम कार्यक्रम सम्पन्न भएको हो ।
[caption id="attachment_64197" align="alignleft" width="300"]
लक्ष्मी रुम्बा ,कार्यक्रम संयाेजक[/caption]
विभिन्न जिल्लाबाट सो कार्यक्रममा एघार सहभागीहरु भएको कार्यक्रम संयोजक लक्ष्मी रुम्बाले बताएकी छन् । बौद्ध दर्शन प्रवद्र्धन तथा गुम्बा विकास समितिको स्थापनाकालदेखि नै बौद्ध , धर्म दर्शनसँग जोडिएकोमा सम्वद्र्धन र प्रवद्र्धनका लागि वार्षिक रुपमा विभिन्न कार्यक्रम हुँदै आएकोमा यो कार्यक्रम पनि पर्न गएको उनले बताइन् ।
यो कार्यक्रम नेपालभरि रहेका विभिन्न आस्थाका प्राचीन मूर्ति एवम् गुम्बाहरुमा जीर्ण भएकाहरुलाई पुनस्थापना गर्न यो तालिमको आयोजना गरेको उनले प्रभावसँग बताइन् ।
रुम्बाका अनुसार गाउँगाउँमा जीर्ण र भत्किएका मूर्तिहरु मर्मत–सम्हारका लागि जनशक्ति उत्पादन गर्न यो कार्यक्रमको आयोजना गरेको हो । स्थानियस्तरबाट नै एक अभियानका रुपमा पुराना मूर्तिहरुलाई मर्मत गरेर नयाँ बनाउन र स्थापना गर्न सहज हुने उनले बताइन् । साथै एक महिनासम्म गरेको यस तालिम कार्यक्रमले एउटा आधार तय गर्ने उनले बताइन् ।
बागबजारकै एक होटलमा बसेर एक महिनासम्म प्रशिक्षण दिएको प्रशिक्षक भिम श्रेष्ठले बताए । समापनको कार्यक्रममा उनले कुन तवरमा मूर्ति निमार्ण गर्ने भन्ने कुराहरु सिकाउन पाएकाे उनले बताए । करिब तीन दशकदेखि मूर्तिकला र चित्रकलामा रमाएका उनले यस प्रशिक्षणमा प्रशिक्षर्थीहरु नयाँ भए पनि राम्ररी सिकेको बताएका छन् ।
[caption id="attachment_64198" align="alignleft" width="300"]
प्रशिक्षक भिम श्रेष्ठ[/caption]
सहभागीहरु रामेछापको मन्थली नगरपालिका–११बाट ग्याल्चन लामा र रामेछाप गाउँपालिका–८ बाट रामकृष्ण तामाङ, ताप्लेजुङ जिल्लाका मिरिङदेन गाउँपालिका–२ बाट दावा ओङजु शेर्पा र मिरिङदेन गाउँपालिका–५को थुपकमाबाट दा नोर्बु शेर्पा सहभागी भएका छन् ।
यसैगरी सोही जिल्लाको मिक्वाखोला गाउँपालिका–४ थलङबाट निमा तेन्जी शेर्पा, साँघुबाट निमा दार्ची शेर्पा र ङिमा छिरिङ शेर्पा रहेका छन् भने सोही गाउँपालिका–५ फाकुम्बाबाट निमा छिरिङ हिसी शेर्पा सहभागी भएका छन् ।
यस्तै ताप्लेजुङ जिल्लाकै फुङलिङ नगरपालिका–९को हाङदेवाबाट पेम्बा टासी शेर्पा र संखुवासभाको चैनपुर नगरपालिका–३ पोखरीबाट फुर्बा शेर्पा,सर्लाही जिल्लाको लालबन्दी नगरपालिका–१४बाट ज्ञानबहादुर ब्लोन तामाङ रहेका छन् ।
ताप्लेजुङ जिल्लाबाट आएका निमा दार्ची शेर्पाले प्रभावसँग भने ,‘यस्तो प्रशिक्षण पाएकोमा खुशी छु । पहिले कहिल्यै नलिएकाले अब केही गर्न सकिन्छ जस्तो लागेको छ । यस तालिममा पहिले हामीले माटो र र्फमाबाट पनि सिक्यौँ । अब त फाइबरबाट पनि बनाउन सकिन्छ ।’ उनका अनुसार एक महिनासम्म होटलमा नै बसेर उक्त प्रशिक्षर्थीहरुले प्रशिक्षण लिएको बताए ।
यसैगरी मन्थलीबाट आएका ग्याल्चन लामाले आफ्नो अनुभव सुनाउँदै भने,‘ गाउँमा भएका जीर्ण मूर्तिलाई अब आफै मर्मत गर्न सकिन्छ ।’ उनले सिकेको सिपलाई आफ्नो गाउँमा आउने पिँडीहरुलाई आदानप्रदान गर्ने बताए । यो एक महिने तालिम खासै नपुगेको उनी बताउँछन् तर यसले थोरै भए पनि मर्मतसंहारमा भने टेवा पुग्ने बताए । आउँदा दिनमा यस किसिमको तालिमको वृहत रुपमा भए राम्रो हुने उनी बताउँछन् ।
-1752335779.jpg)
