काठमाडाैं - आज ख्रीष्टियन समुदायको महत्वपूर्ण पर्वमध्ये इष्टर सन्डे एक विशेष उत्सवका रुपमा मनाइरहेका छन् । इसाई धर्मावलम्बीहरुले हरेक वर्षको मार्च महिनाको २१ तारिखका दिनपछि पर्ने पूर्णिमा पछिको आइतबार अप्रिल ९ तारिखमा ‘इष्टर सन्डे’ मनाउने चलन छ । उक्त इष्टर सन्डेको ठ्याक्कै दुई दिन अघि पर्ने शुक्रबारलाई नै गुड फ्राइडे भनेर मनाइने चलन छ ।
सामान्यतया हरेक वर्षको अंग्रेजी महिनाको मार्च २१ पछि अप्रिल १५ तारिखको बीचमा गुड फ्राइडे पर्ने गर्छ । ‘गुड फ्राइडे’ पछि इष्टर सन्डे सँगै जोडिएर आउने गरेकाे छ । इसाई धर्मावलम्बीहरुका अनुसार जिजस क्राइस्ट मृत्युबाट बौरिएर उठेको दिनको सम्झनामा इष्टर सन्डे मनाउने चलन रहिआएकाे छ । उक्त आइतबारको दुई दिन अघि शुक्रबार उनै जिजस क्राइस्ट क्रसमा निधन भएको थियो । त्यसैले, जिजस क्राइस्ट क्रसको निधन भएको उक्त दिनको सम्झनामा असल शुक्रबार अथवा ‘गुड फ्राइडे’ मनाउने चलन सुरु भएको हो ।
बाइबलका अनुसार इसाई धर्मावलम्बीहरुको ईश्वर जिसस क्राइस्ट एक निर्दाेष र पापरहित हुनुभए तापनि उनलाई दुई हजार वर्षअघ मानव जातिको पापको कारण क्रसमा टाँगिएर मारियो । जिसस क्राइस्ट शुक्रबार बिहान ३ बजेतिर आफ्ना चेलाहरुसँगै इजरायलको गेटसमनीको बगैचामा प्रार्थना गरिहँदा गिरफ्तारमा परे ,त्यसलगत्तै बिहान ९ बजे क्रसमा टाँगिनुभयो र ६ घण्टा क्रसमा बिताउनु भई दिउँसो ३ बजे उनले आफ्नो प्राण त्यागेका छन् ।
त्यसपश्चात उनलाई चिहानमा गाडिन्छ र तेस्राे दिन उनी बाैरी उठेकाे अर्थात पुनरुउत्थान भन्ने गरिन्छ । जिसस क्राइस्ट आफ्ना चेलाहरुका बीचमा केही समय बिताएपछि उनी आकाशमा उडी गएकाे धमशास्त्र बाइबलमा लेखिएकाे छ । यसका साथै ईसाइहरुमा जिसस क्राइस्ट जसरी स्वर्ग गए अन्तिम दिनमा पनि यसरी नै आउने विश्वास रहिआएकाे छ । चर्चहरुमा विशेष सेवा सञ्चालन गरि जिससको पुनरुत्थानमा संगति गरी एक आपसमा प्रेम साटासाट गरी रमाउने गर्दछन् ।
