रुपन्देही - अख्तियार दुरुपयोग अनुसन्धान आयोगले सेवाग्राहीसँग घुस माग गरिरहेको भन्ने सूचनाका आधारमा पक्राउ गरेकाे छ । उत्खनन गरी घाटगद्दीमा रहेको नदिजन्य पदार्थको बिक्री आदेशको म्याद थप तथा बिक्री आदेश दिने प्रयोजनको लागि सेवाग्राहीसँग रु ५०,०००।– घुसररिसवत माग गरिरहेकोमा बुटवलबाट खटिएको टोलीले अनन्तपाणी मरासिनी र सोही पालिका वडा अध्यक्ष भीम बहादुर यादव पक्राउ गरेकाे हाे ।
यस जिल्लाको शुद्धोधन गाउँपालिका, गाउँ कार्यपालिकाको कार्यालय रुपन्देहीका प्रमुख प्रशासकीय अधिकृत मरासिनी र ७ नं का वडा अध्यक्ष यादवले उत्खनन गरी घाटगद्दीमा रहेको नदिजन्य पदार्थको बिक्री आदेशको म्याद थप तथा बिक्री आदेश दिने प्रयोजनको लागि सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवलबाट खटिई गएको टोलीले पक्राउ गरेकाे हाे ।
निज प्रमुख प्रशासकीय अधिकृत अनन्तपाणी मरासिनी, वडा अध्यक्ष भीम बहादुर यादव र बिचौलिया बिनोद भरलाई सेवाग्राहीबाट पचास हजार रुपैयाँ घुस लिइसकेको अवस्थामा उक्त रकमसहित जिल्ला रुपन्देही, शुद्धोधन गाउँपालिका, गाउँ कार्यपालिकाको कार्यालयबाट आज मिति २०७९।१२।१६ गते नियन्त्रणमा लिई थप अनुसन्धान भइरहेको
प्रवक्ता भोला दाहालले बताएका छन् ।
प्रकाशित मिति: बिहीबार, चैत १६, २०७९ १४:३१
-1752335779.jpg)
