लन्डन - बेलायती सेनाले अफगानिस्तानमा ६४ जना बालबालिकाको मृत्युका लागि आफ्नो जिम्मेवारी स्वीकार्दै क्षतिपूर्ति तिरेको छ । यो बेलायतले यसअघि स्वीकार गरेको भन्दा निकै बढी हो ।
एक्सन अन आर्म्ड भायलेन्स (एएओभी) ले प्राप्त गरेको तथ्याङ्कअनुसार, “सन् २००६ देखि २०१४ को बीचमा अफगानिस्तानमा ६४ जना बालबालिकाको मृत्यु भएको पुष्टि भएको थियो र यसका लागि बेलायती सेनाले क्षतिपूर्ति तिरेको छ । यद्यपि मारिने बालबालिकाको सङ्ख्या १३५ सम्म हुन सक्छ ।”
एएओभीका अनुसार, क्षतिपूर्ति भुक्तानीहरूको विश्लेषणले अप्रिल २००७ र डिसेम्बर २०१२ को बीचमा, ३८ घटनाहरूमा ६४ पुष्टि भएका बाल मृत्युहरू समावेश थिए जहाँ बच्चाहरूका आफन्तहरूलाई बेलायती सैन्य संलग्नतापछि क्षतिपूर्ति दिइएको थियो ।
यी घटनाहरूमा विशेष गरी बच्चाको उल्लेख वा १८ वर्षभन्दा कम उमेरका व्यक्तिहरूको सूची समावेश गरिएको रिपोर्टमा उल्लेख गरिएको छ ।लण्डनस्थित उक्त समूहले बेलायती सैन्य कारबाहीका क्रममा मारिएका बालबालिकाको औसत आयु छ वर्ष रहेको जनाएको छ ।
लगभग २७ रेकर्ड गरिएको र क्षतिपूर्ति दिइएका मृत्युबाट यो औषत आयु निकालिएको हो ।समूहले भनेको छ, “सोही वर्षको सेप्टेम्बरमा अफगानिस्तानको हेल्मान्ड प्रान्तको नाद–ए अली जिल्लामा १८ महिनाकी एक बालिकासहित उनकी आमाको पनि हत्या भएको थियो ।
उनीहरूको मृत्युका लागि तीन हजारभन्दा बढी ‘पीआई’ भुक्तानी गरिएको थियो ।”पुष्टि भएका बाल मृत्युसँग सम्बन्धित घटनाहरूको लागि कुल भुक्तानी एक लाख ४४ हजार ५९३ बेलायती पाउण्डस्टर्लिङ्ग थियो । यद्यपि यसमा मारिएका अन्य वयस्कहरूको भुक्तानी पनि समावेश छ ।
सशस्त्र हिंसासम्बन्धी कार्यका कार्यकारी निर्देशक इयान ओभरटनले भन्नुभयो, “हेल्मान्डमा बेलायती सैन्य कारबाहीपछि मारिएका बालबालिकाको सङ्ख्याबाट युद्धले जहिले पनि मृत्यु निम्त्याउँछ र आधुनिक युद्धले जहिले पनि नागरिक हताहत ल्याउँछ भन्ने बुझ्नुपर्छ ।
हत्यामा संलग्न सैनिकहरूको लागि यो पछुतो र आतङ्कको स्रोत हुन सक्छ र यस्तो मृत्यु जतिसुकै आकस्मिक भए तापनि यस्ता मृत्युहरूको बारेमा रिपोर्ट नगर्नुले जिम्मेवारीको बेवास्ता र सत्यको क्षय हुनेछ ।
ओभरटनले भने, “यो रिपोर्टले युद्धमा मारिएका प्रायः बिर्सिएका बालबालिकालाई केही विवरण दिने र भविष्यमा बेलायतका राजनीतिज्ञहरूलाई चेतावनी दिने आशा गरेको छ । यसले उनहिरूलाई युद्धमा सेना पठाउने कुरामा विचार गर्न नैतिक दवाव पर्नेछ ।”
