पेरिस– फ्रान्सका राष्ट्रपति एम्यानुएल म्याक्रोँले लिबियाको सङ्कट समाधानका लागि त्यहाँ तत्कालै युद्धविराम गर्न आग्रह गरेको छ ।
उनले अन्तरराष्ट्रिय समुदायलाई पनि लिबियाको सङ्कट समाधानका लागि आवश्यक वातावरण निर्माण गर्न र युद्धविरामका लागि लिबियाको सङ्कटका सबै पक्षलाई तयार पार्ने वातावरण निर्माण गर्न आग्रह गरेका बताइएको छ ।लिबियामा बढ्दै गइरहेको सङ्कटका बारेमा फ्रान्सेली राष्ट्रपति म्याक्रोँले केही दिनयतादेखि अन्तरराष्ट्रिय समुदायसँग छलफल र परामर्श गर्दै आएको छ ।
उनले आइतबार मात्र पनि विभिन्न देशका नेतासँग यसै विषयमा आवश्यक परामर्श र छलफल गरेको थियो । उनले आइतबार मात्र पनि रुसका राष्ट्रपति भ्लादिमिर पुटिनसँग टेलिफोनमा कुराकानी गरेको हो ।
फ्रान्सेली राष्ट्रपतिको कार्यालयले दिएको जानकारीअनुसार उनले लिबियामा जारी रहेको सङ्कटको अन्त्यका लागि सबैभन्दा पनि युद्धविरामको आवश्यकता रहेको र त्यसपछि शान्तिवार्ताका माध्यमबाट अघि बढ्न सकिने धारणा राखेको थियो । फ्रान्सेली राष्ट्रपतिको कार्यालयद्वारा जारी वक्तव्यमा सो विषयमा रुसी राष्ट्रपति भ्लादिमिर पुटिनले पनि लिबियाको सङ्कट समाधानमा आङ्खनोतर्फबाट सहयोग गर्ने प्रतिबद्धता व्यक्त गरेका थियो । (रासस÷सिन्ह्वा)
