काठमाडौं - आठौं संविधान दिवसको अवसरमा एनसेल आजियाटा लिमिटेडले नयाँ अफर ल्याएकाे छ । मंगलबारसम्म सञ्चालन हुने याे अफरमा ग्राहकहरुले एक दिन समयावधि रहेको अनलिमिटेड डेटा र अननेट भ्वाइस प्याक कर सहित रु. ५९ मा खरिद गर्न सक्ने नयाँ अफर एनसेल आजियाटा लिमिटेडले ल्याएकाे हाे ।
यसअन्तर्गत ग्राहकले अनलिमिटेड डेटा र अन-नेट भ्वाइस प्याकका साथै अल-नेट भ्वाइस र एसएमएस प्याकको फाइदा लिन सक्ने जनाइएकाे छ । यो प्याक एक्टिभेट गरेपछि ग्राहकले एक दिन अर्थात् २४ घण्टासम्म अनलिमिटेड डेटा र अननेट भ्वाइस प्रयोग गर्न पाउने छन् ।
एनसेलबाहेक अन्य सेवा प्रदायकका नम्बरहरुमा यो अफर अवधिभर अझ सुलभ दरमा कल गर्न र एसएमएस पठाउन ग्राहकले मात्र रु. ९५ मा २०० मिनेट अल नेट टक टाइम र २०० वटै एसएमएस बन्डल भएको प्याक लिनसक्ने कम्पनीले जनाएकाे छ ।
यस प्याकमा पाइने अल नेट टक टाइम र एसएमएसको समयावधि पनि तीन दिनको रहने बताइएकाे छ ।यो अफर प्रयोग गर्नको लागि प्रयोगकर्ताले *१७१००# डायल गरेर आफूले चाहेको प्याक खरिद गर्न सक्ने कम्पनिले जनाएकाे छ ।
