अबुदाबी–संयुक्त अरब इमिरेट्स (युएइ)का युवराज शेख मोहम्मद बिन जायद अल नाह्यानले विभिन्न देशका नेतासँग कुराकानी गरेका छन् । उनले इन्डोनेसियाका राष्ट्रपति जोको विडोडोसँग युएइको राजधानी अबुदाबीमा भेटेर आइतबार कुराकानी गरेको हो ।
भ्रमणका लागि आएका विडोडोलाई स्वागत गर्दै उनले विभिन्न विषयमा कुराकानी गरेको अधिकारीले जनाएका छन् ।
‘आज मैले इन्डोनेसियाका राष्ट्रपति तथा मेरा साथी जोको विडोडोलाई स्वागत गर्दै दुई पक्षीय कुराकानी गरेका छौँ,’ युवराज शेख मोहम्मदले सामाजिक सञ्जाल ट्वीटरमा लेखेका छन् ।
उनले साझा चासो र दुई पक्षीयहितका बारेमा पनि कुराकानी गरेको सामाजिक सञ्जालमार्फत् नै जानकारी दिएको छ । विषेशगरेर अर्थतन्त्र, लगानी, व्यापार र विकासका क्षेत्रका साथै दुई देशको मित्रतालाई थप मजबुद बनाउने बारेमा कुराकानी भएको उनले बताएको छ ।
त्यसैगरी उनले फ्रान्सका राष्ट्रपति एम्यानुएल मार्कोनसँग पनि आइतबार नै कुराकानी गरेको छ । फ्रान्सका राष्ट्रपतिसँग भने उनले टेलिफोनमा कुराकानी गरेको हो ।
‘मैले फ्रान्सका राष्ट्रपति एम्यानुएल मार्कोनसँग फोनमा कुराकानी गरेको छु, मलाई उनले फोन गरेका थिए । उनको आधिकारिक ट्वीटर हेन्डलमा लेखिएको छ ।
उनले फ्रान्सका राष्ट्रपतिसँग पनि सहकार्यमा जोड दिँदै आपसी सहयोग र सम्वन्ध विस्तारकै बारेमा कुराकानी भएको बताए ।
साथै महत्वपूर्ण क्षेत्रीय विषय, अन्तरराष्ट्रिय विकासलगायतका विषयमा पनि आफूले छलफल गरेको युएइका युवराजले उल्लेख गरेको छ ।
‘हामीले हाम्रा साझा चासो र सरोकारका विषयसँगै क्षेत्रीय सुरक्षा र स्थायित्वका बारेमा कुराकानी गरेका छौँ,’ युएइको सुरक्षा निकायको सर्वोच्च उपकमाण्डर समेत रहेका शेख मोहम्मदले ट्वीटरमा
लेखेका छन् ।
उनले यसअघि गत शनिबार नै रुसका राष्ट्रपति भ्लादिमिरि पुटिनसँग पनि विविध विषयमा छलफल गरेका थिए । उनीहरूका बीचमा पनि विकसित पछिल्लो घटनाक्रम, दुई पक्षीय सम्वन्ध र सरोकारका विषयसँगै क्षेत्रीय सुरक्षा तथा चासोका विषयमा कुराकानी भएको हो । (रासस÷सिन्ह्वा)
