मस्को– लिबियामा बढ्दै गइरहेको सङ्कटका बारेमा विभिन्न देशका नेताका बीचमा छलफल भएको छ । रुसका राष्ट्रपति भ्लादिमिर पुटिन र फ्रान्सका उनका समकक्षी एम्यानुएल मर्कोनले आइतबार कुराकानी गरेको हो ।
टेलिफोनमा भएको कुराकानीका क्रममा उनस्हरूका बीचमा लिबिया सङ्कट, युद्ध विरामको महत्वलगायतका विषयमा छलफल भएको रुसी राष्ट्रपतिको कार्यालयले
जनाएको छ ।
कार्यालयद्वारा जारी वक्तव्यका अनुसार दुवै नेताले लिबियाको सङ्कट समाधानका लागि आ–आफ्नो तर्फबाट सक्दो सहयोग गर्न तयार रहेको बताएका थिए ।
सङ्कट समाधानका लागि राजनीतिक तथा कुटनीतिक तवरबाट पहल थाल्ने र जर्मनीको राजधानी बर्लिनमा अन्तरराष्ट्रिय सम्मेलनको आयोजना गर्ने बारेमा पनि उनहरूले छलफल भएको वक्तव्यमा जनाइएको छ ।
पुटिन र मर्कोनले युक्रेनको द्वन्द्वका साथै इरान र सिरियाको पछिल्लो अवस्थाका बारेमा पनि कुराकानी भएको थियो । यसअघि शनिबार पुटिन र जर्मन चान्सलर एञ्जेला मर्केलका बीचमा पनि कुराकानी भएको समाचारमा जनाइएको छ ।
त्यसैगरी जर्मनी चान्सलर मर्केलले टर्कीका राष्ट्रपति रेसेप तयप एर्डोगानसँग पनि लिविया संकटका बारेमा कुराकानी भएको छ । आइतबार भएको फोन कुराकानीका क्रममा उनीहरूले लिबियामा हालै विकसीत घटना क्रमका बारेमा छलफल भएको टर्कीका सरकारी अधिकारीहरूले जनाएका छन् ।
उनीहरूले क्षेत्रीय चासो र सरोकारका विषयमा पनि कुराकानी भएको सरकारी निकायद्वारा जारी वक्तव्यमा जनाइएको छ । (रासस÷सिन्ह्वा)
