काठमाडाैं- प्रतिनिधिसभाको आजको बैठकले बजेटसँग सम्बन्धित दुई विधेयक पारित गरेकाे छ । प्रतिनिधिसभाको साेमबार बसेकाे बैठकले ‘राष्ट्र ऋण उठाउने विधेयक, २०७९’ र ‘ऋण तथा जमानत (पच्चिसौँ संशोधन) विधेयक, २०७९’ लाई बहुमतले पारित गरेको हाे ।
अर्थमन्त्री जनार्दन शर्माले प्रस्तुत गर्नुभएको ती विधेयक पारित गरियोस् भन्ने प्रस्ताव पेश गरेका थिए । ती विधेयक कानूनका रूपमा आगामी साउन १ गतेदेखि कार्यान्वयन हुने जनाइएकाे छ ।
त्यसअघि बैठकमा कानून न्याय तथा मानव अधिकार समितिका सभापति कृष्णभक्त पोखरेलले कानून न्याय तथा मानव अधिकार समितिको वार्षिक प्रतिवेदन, २०७९’ पेश गर्नुभएको थियो ।
प्रतिनिधिसभाको अर्को बैठक मङ्गलबार दिउँसो १.०० बजे बस्ने बताइएकाे छ ।
-फाइल तस्बिर
