बेइजिङ- अमेरिका समर्थित एसिया–प्रशान्त आर्थिक रूपरेखा (इण्डो - प्यासिफिक इकोनोमिक फ्रेमवर्क, आइपिइएफ)ले भारतलाई चीनमाथिको आर्थिक निर्भरता घटाउन मद्दत गर्ने विश्वास गरिएको छ ।
चीनको आर्थिक वर्चश्वलाई रोक्न अघि सारिएको आइपिइएफमा अमेरिकासहित ११ वटा एसियाली देश सहभागी छन् । आइपिइएफले सदस्य देशबीच बहुपक्षीय आर्थिक सहयोग बढाउने र चीनमाथिको भारतको आर्थिक निर्भरतालाई घटाउन भारतलाई सहयोग पुग्ने आर्थिक विश्लेषकहरूले बताएका छन् ।
आइपिइएफलाई आपूर्ति शृंखला विविधीकरणमा यथाशीघ्र अघि बढाउनुपर्ने तथा त्यसमा आर्थिक संलग्नताका ठोस आयोजना समावेश हुनुपर्नेमा पनि उनीहरूले जोड दिएका छन् । पछिल्लो समय भारतले बहुपक्षीय सम्झौताको सट्टा द्विपक्षीय स्वतन्त्र व्यापार सम्झौतामा ध्यान केन्द्रित गरेको छ ।
चीनस“गको भारतको व्यापार बृहत् छ । दुई देशबीचको व्यापार यो वर्षको पहिलो त्रयमासमा १५.३ प्रतिशतले बढेर ३१ अर्ब अमेरिकी डलर पुगेको चिनियाँ भन्सार विभागले जनाएको छ ।
भारतमा चिनियाँ लगानी पनि बढेको छ । अघिल्लो वर्ष १४ अर्ब डलरभन्दा बढी चिनियाँ लगानी भारतका उद्यम विकासका क्षेत्रमा भएको थियो ।-एएनआई
-1755862759.jpeg)
