काठमाडौं — कर्णाली प्रदेशमा चार महिलाले मेयर पदका लागि उम्मेदवारी दिएका छन् । कार्णालीका १० जिल्लाका ७९ पालिकामध्ये चार नगरपालिकाको मेयरमा महिलाले उम्मेदवारी दर्ता गराएका हुन् ।
सुर्खेतको वीरेन्द्रनगर नगरपालिका, दैलेखको नारायण नगरपालिका तथा कालीकोटको रास्कोट र खाडाँचक्र नगरपालिका मेयरका लागि उनीहरूले उम्मेदवारी दिएका हुन् । वीरेन्द्रनगरमा एमालेबाट मोहनमाया ढकाल,नारायण नगरपालिकामा कांग्रेसबाट निर्मला खड्का र खाँडाचक्रका लागि कांग्रेसबाटा तारा शाहीले उम्मेदवारी दर्ता गराएका छन् ।
रास्कोटमा नेत्रविक्रम चन्द विप्लव नेतृत्वको नेकपा नेतृ धिरिन्द्रा उपाध्याय भृकुटीले स्वतन्त्रबाट उम्मेदवारी दिएकी छन् । ढकाल यसअघि वीरेन्द्रनगरको उपमेयर थिइन् भने खड्का यसअघि वडा सदस्य थिइन् ।
