काठमाडौं - एक अन्तर्राष्ट्रिय गैरसरकारी संस्थाले युक्रेनमा शान्ति पुनर्स्थापना गर्न १९२ देशलाई युद्धविरोधी विज्ञप्ति पठाएकाे छ ।
रुसले युक्रेनमा गरेको सैन्य एवम् विनाशकारी आक्रमणप्रति निन्दा गर्दै विश्वभरका ५,८०,००० नागरिकहरूद्वारा लिखित "शान्ति पत्रहरू", २०१८ मा नै दिइएकाे पत्र स्मरण गराउँदै हेवेनली कल्चर, वर्ल्डपिस, रेस्टोरेसन अफ लाईट -एचडब्लूपीएल (Heavenly Culture, World Peace, Restoration of Light -HWPL),ले १९२ देशका राष्ट्रहरूका प्रमुखहरूलाई शान्तिका लागि युद्धविरोधी विज्ञप्ति पठाएकाे हाे ।
रुसले युक्रेनमा गरेको सैन्य आक्रमणप्रति विश्व समाजका धेरै सदस्यहरूले रुसी राष्ट्रपति पुटिनको विनाशकारी आक्रमण र युक्रेनको भूभाग कब्जा गर्ने निर्णयको निन्दा गरेकाे छ ।
एचडब्लूपीएलले विश्वमा राजनीति, धर्म, युवा, महिला र मिडिया क्षेत्रका नेता र प्रतिनिधिहरूबीच एकता निर्माण गरी शान्तिको लागि विश्वव्यापी नेटवर्क निर्माण गर्न खोजिरहेको बताएकाे छ।
एचडब्लूपीएलका अनुसार आफ्नो राष्ट्रपति कार्यकालमा, पुटिनले दक्षिण ओसेशिया, युक्रेनको क्रिमिया, र अहिले युक्रेनको उत्तर, पूर्व र दक्षिणका भागहरूलगायत विदेशी क्षेत्रहरूमा आक्रमण र नियन्त्रण गर्न सैन्य शक्ति प्रयोग गरे, जसले सबै विश्वव्यापी सुरक्षा र स्थिरतालाई चुनौती दिएको छ।
सन्ज २०२२काे जनवरीकाे २८ तारिखमा, एचडब्लूपीएल, संयुक्त राष्ट्रको इकोसक र सियोल मेट्रोपोलिटन सरकारसँग सम्बद्ध दक्षिण कोरियामा रहेको अन्तर्राष्ट्रिय गैरसरकारी संस्थाले शान्तिको लागि विश्वव्यापी सहयोगको वकालत गर्न एक बयान दिएकाे थियो।
"रुस र युक्रेन सम्बन्धी हेवेनली कल्चर, वर्ल्डपिस, रेस्टोरेसन अफ लाईट(एचडब्लूपीएल)को विज्ञप्ति" शीर्षकमा, यसले रूसले सबै सेनालाई आफ्नै क्षेत्रमा फिर्ता लिन, अन्तर्राष्ट्रिय समुदायलाई शरणार्थीहरूलाई संरक्षण र समायोजन गर्न, र विश्वव्यापी युवाहरू युद्ध विरोधी आन्दोलन र शान्तिको लागि एकजुट हुन माग गरेकाे विज्ञप्तिमा उल्लेख गरेकाे छ ।
विज्ञप्तिमा "सार्वभौम राज्य विरुद्ध सैन्य आक्रमण कुनै पनि समस्याको समाधान हुन सक्दैन, र यस्तो युद्ध र हिंसक द्वन्द्वको खतराले महिला, युवा र बालबालिका लगायत निर्दोष नागरिकहरूलाई सबैभन्दा बढी असर गर्छ। रुसले आफ्नो सेनालाई आफ्नो देशमा फिर्ता लैजानैपर्छ ... (र हामी) सबै राष्ट्रहरूलाई शरणार्थीहरूलाई मद्दत गरेर मानवताप्रतिको आफ्नो प्रेम प्रदर्शन गर्न अनुरोध गर्दछौं।'' उल्लेख गरेकाे छ ।
फेब्रुअरी २६ मा, ह्वाइट हाउसले एक विज्ञप्तिमार्फत घोषणा गर्यो कि युरोपेली आयोग, फ्रान्स, जर्मनी, इटाली, युनाइटेड किंगडम, क्यानडा र संयुक्त राज्य अमेरिकाले स्विफ्टबाट रूसी बैंकहरूलाई अन्तर्राष्ट्रिय वित्तीय प्रणालीबाट बाहिर निकाल्न आर्थिक प्रतिबन्ध कार्यान्वयन गर्न सहयोग गर्ने बताइएकाे छ ।
