अन्तराष्ट्रिय स्वयम् सेवक दिवस मनाईयो

राजनीति

Home
राजनीति
अन्तराष्ट्रिय स्वयम् सेवक दिवस मनाईयो

अन्तराष्ट्रिय स्वयम् सेवक दिवस मनाईयो

47573275_671433609919049_1722613787883732992_n

नेपालगन्ज । मंसिर १९ गते । अन्तराष्ट्रिय स्वयम् सेवक दिवस २०१८ नेपालगन्जमा मनाईएको छ । आफ्नो स्थापना काल देखिनै युवाहरुलाई स्वयम् सेवा तर्फ अग्रसर गराउदै आएको बास नेपालगन्जले आज विभिन्न कार्यक्रम गरि स्वयम् सेवक दिवस मनाएको हो । बास स्वयम् सेवक समुहको आयोजनामा बास केन्द्रीय कार्यालयमा स्वयम् सेवाको बिषयमा अनुभव आदान प्रदान तथा शुभकामना आदान प्रदान कार्यक्रम गरिएको छ । अनुभव आदान प्रदान कार्यक्रममा बासका अध्यक्ष मन भण्डारी, कार्यकारी निर्देशक नमस्कार शाह, उप निर्देशक हेमराज भट्ट, बासका महासचिब छबीलाल सुनार, बासका स्वयम् सेवक संयोजक रबिन्द्र बोहरा लगायतले स्वयम् सेवा र स्वयम् सेवाका फाईदाका बिषयमा आफ्ना अनुभव सुनाएका थिए । कार्यक्रम पश्चात बास स्वयम् सेवक समुहको अगुवाईमा नेपालगन्जको धम्बाझि र पुष्पलाल चौक स्थित बस बिसौनामा फोहोर ब्यवस्थापन बारे जनचेतना मुलक अभियान सञ्चालन गरेको छ । अभियान अन्तरगत स्वयम् सेवकहरुले हात हातमा फोहोर त्यता हैन यता, फोहोर मलाई लेखिएका कार्टुनहरु हातमा राखि यात्रुहरुले बाहिर खुल्ला रुपमा फल्ने फोहोरलाई संकलन गरि सो फोहोर कन्टेनरमा ब्यवस्थापन गरेका थिए । आफुले गरेको फोहोर आफैले ब्यवस्थापन गरेमा फोहोर ब्यवस्थापन सँगै बातावरण समेत स्वच्छ हुने सन्देस प्रवाह गर्न अभियान सञ्चालन गरिएको थियो । सो क्रममा पुष्पलाल चौकमा बसमा सावर एक यात्रु समिक्षा थापाले अभियानले निकै छोएको भन्दै आफु कहिले पनि बाहिर फोहोर नफाल्ने र अरुलाई फाल्न हुदैन भन्ने सन्देस प्रवाह गर्ने प्रतिबद्धता ब्यक्त गरिन् । यस बर्षको अन्तराष्ट्रिय स्वयम् सेवक दिवसको नारा Volunteers build Resilient Communities लाई ध्यानमा राखि बासले उक्त अभियान सञ्चालन गरेको हो । बास केन्द्रीय कार्यालयमा हाल ६० जनाको स्वयम् सेवक समुहले नियमित स्वयम् सेवी कार्यहरु सचालन गर्दे आएको छ ।