नेपालगन्ज । मंसिर १३ गते । नेपालगन्जको धम्बोझि स्थित ५ ओटा अटो रिक्सामा अज्ञात समुहले आगजनि गरेको छ ।
नेपालगन्जको मुख्य केन्द्र धम्बोझि चौक नजिकै बुधबार मध्य राती रिक्सामा आगो लगाईएको बताईएको छ । आगो लगाउने क्रममा ति समुहले नजिकै रहेका पसलहरुमा समेत आगो लगाउने प्रयास गरेको बतार्ईएको छ ।
प्राप्त जानकारी अनुसार पार्किङ्ग गरेर राखेको भे १ ह १२२०, भे १ ह २३३९, कोनपा १५५, जमुनि गाविस २२९ र रनियाँपुर गाविस ८६ नं.को अटोरिक्सामा आगजनी गरिएको बताईन्छ ।
सुरक्षाको दृष्टीले २४ सै घण्टा प्रहरीको तैनाथी रहने सो क्षेत्रमा यस्तो घट्ना घटेपछि सुरक्षा संबेदनशिलता माथि प्रश्न चिन्ह खडा भएको छ ।
यसैबिच घट्ना घटेको स्थलमा नेपालगञ्ज उपमहानगरपालिकाका प्रमुख डा. धवल शम्शेर राणा, उप प्रमुख उमा थापामगर, नेपालगञ्ज उद्योग बाणिज्य संघका पदाधिकारीहरु पुगि घटनाको निन्दा गर्दै दोषिको खोजि गरी कडा कारवाहीको दायरामा ल्याउन आग्रह गरेका छन् । यसबारेमा जिल्ला प्रहरी कार्यालय बाँकेले भने घट्नाको अनुसन्धान भईरहेको जनाएको छ ।
प्रकाशित मिति: बिहीबार, मंसिर १३, २०७५ ०७:१५
