क्षेत्रीलाई बास, ब्राईटल्याण्ड युवा पुरस्कार

राजनीति

Home
राजनीति
क्षेत्रीलाई बास, ब्राईटल्याण्ड युवा पुरस्कार

क्षेत्रीलाई बास, ब्राईटल्याण्ड युवा पुरस्कार

39685789_10216769886748694_806100610532245504_n

नेपालगन्ज/ युवाहरुलाई प्रोत्साहित गर्ने उद्धेश्यले हरेक बर्ष अन्तराष्ट्रिय युवा दिवसको अवसरमा प्रदान गरिने बास, ब्राईटल्याण्ड युवा पुरस्कार लागु पदार्थ दुब्यसन बिरुद्ध क्रियाशिल युवा अभिराज क्षेत्रिलाई प्रदान गरिएको छ । १८औं अन्तराष्ट्रिय युवा दिवसको अवसरमा बास नेपालगन्ज र ब्राईटल्याण्ड स्कुलको संयुक्त आयोजना मा भाद्र ३ गते नेपालगन्जमा सम्पन्न एक भब्य कार्यक्रमका बिच सो पुरस्कार प्रदान गरिएको हो । कार्यक्रमका प्रमुख अतिथि प्रदेश सभा सदस्य सुरेन्द्र बहादुर हमालले क्षेत्रीलाई दोसल्ला, ताम्रपत्र, ट्रफि र नगद रु. १५ हजार सहित सम्मान गरेका थिए । कार्यक्रममा बोल्दै कार्यक्रमका प्रमुख अतिथि प्रदेश सभा सदस्य सुरेन्द्र बहादुर हमालले युवाहरु बेरोजगार भएका कारण कुलतमा फस्ने गरेको भन्दै रोजगारिको सिर्जना गर्नु अपरिहार्य रहेको बताए । हरेक ब्यक्तिमा आत्मबल आवश्यक पर्ने भन्दै सन्तानहरुमा आत्मबलको बिकास गर्न परिवारको भुमिका महत्वपूर्ण हुने बताए । स्वास्थ्यका लागि हरेक युवाहरु खेलकुदमा लाग्न सके दुब्यसनबाट मुक्त हुने उनको भनाई थियो । ओलम्पीयन समेत रहेका प्रमुख अतिथि हमालले लागु औषध बिरुद्ध लाग्न सबैलाई आब्हान गरे । कार्यक्रममा बोल्दै अतिथि सेच द चिल्ड्रेनका प्रोगाम अप्रेसन्स डाईरेक्टर बिरेन्द्र ठगुन्नाले युवाहरुलाई सिर्जनशिल र सकारात्मक बाटोमा डो¥याउन गरिने हरेक कार्यक्रममा आफ्नो पूर्ण समर्थन रहने बताए । बासका सल्लाहकार रुद्र प्रसाद तिमिल्सिनाले बासले युवाहरुलाई सहि बाटोमा लाग्न अभिप्रेरीत गरेको भन्दै सहि काम गर्ने युवालाई पुरस्कृत गर्नु सहनिय कार्य भएको बताए । लागु पदार्थ बिरुद्ध सबैले एक जुट भएर लाग्नुपर्नेमा कार्यक्रमका अतिथि तथा बासका सल्लाहकार पूर्णलाल चुकेको भनाई थियो । कार्यक्रममा नेपाल पत्रकार महासंघका निर्वतमान केन्द्रीय सदस्य झलक गैरे, २०१६ मा बास ब्राईटल्याण्ड युवा पुरस्कार बिजेता मुस्लिम अगुवा सबनम प्रबिण लगायतले बोलेका थिए ।

सम्मान पछि बोल्दै सम्मानित युवा अभिराज क्षेत्रीले आफुले गरेको संघर्षबाट पाएको सफलताले निशब्द बनाएको प्रतिकृया दिए । सम्मानले लागु औषध बिरुद्धको अभियानलाई थप सशक्त रुपमा लैजाने जिम्मेवारी थपेको भन्दै सो जिम्मेवारी पुरा गर्ने प्रतिबद्धता गरे । कार्यक्रममा बासका कार्यकारी निर्देशक नमस्कार शाहले युवा पुरस्कारको बारेमा जानकारी तथा युवा पुरस्कार–२०१८ को घोषणा गरेका थिए । बासका उपनिर्देशक हेमराज भट्टले संचालन गरेको कार्यक्रममा स्वागत तथा उद्धेश्य माथि प्रकाश बासका प्रदेश नं. ३ संयोजक राधिका गिरीले गरेका थिए भने धन्यबाद ज्ञापन सहित कार्यक्रमको समापन बासका अध्यक्ष मन भण्डारीले गरेका थिए । सम्मान पूर्ब सम्मानित युवा अभिराज क्षेत्रीले सामाजिक क्षेत्रमा गरेका कार्यहरु सहितको श्रब्य दृष्य प्रश्तुत गरिएको थियो । कार्यक्रममा ९० बढीको सहभागीता रहेको थियो । २०११ देखि शुरु भएको पुरस्कार बितरण कार्यक्रम अन्तरगत २०११ मा खेलाडी बिनु बुढा मगर, २०१२ मा पत्रकार भेषराज बस्नेत, २०१३ मा कलाकार प्रशान्त के.सी., २०१४ मा सृजनशिल युवा किशोर मल्ल, २०१५ मा कलाकार राज बहादुर साने, २०१६ मा मुस्लिम युवा शबनम परबिन र २०१७ मा सामाजिक अभियन्ता हेमन्तराज काफ्लेलाई उक्त पुरस्कारबाट सम्मान प्रदान गरिएको थियो ।

प्रकाशित मिति: सोमबार, भदौ ४, २०७५ ०९:०५

प्रतिक्रिया दिनुहोस्