मुलुकको वर्तमान राजनीतिका बारेमा भन्नु पर्दा देशको राजनीति अस्थिर छ । बाह्य शक्तिहरूको चलखेल बढिरहेको छ, नेपालीको भविष्य अन्धकारतिर धकलिँदै लगिएको छ । जुन नेपाली जनताले अपेक्षा गरेका थिए, त्यो भएको देखिँदैन । नेपालमा विकास, सुशासन, स्थिरता समृद्धि नेपाली जनताको चाहना हो । त्यो सपनाहरू चकनाचुर भएको छ । मुलुकमा जुनसुकै सरकार आए पनि जनताप्रति बफादार भएको देखिँदैनन् । कम्युनिस्टहरूकै कुरा गरौँ । जनताले एमाले र माओवादी केन्द्रलाई झन्डै दुई तिहाइ बहुमत दिए तर उनीहरू मिल्न सकेनन् । आज कांग्रेसको हातमा सरकारको नेतृत्व पुगेको छ । यति बेला जनता कम्युनिस्ट शासन राम्रो कि कांग्रेस सरकार राम्रो लेखाजोखा गरिरहेका छन् । जनता स्थिरता विकास र शान्ति चाहिरहेका छन् ।
त्यसो त यतिबेला महामारीको रूपमा विश्वव्यापी रूपमा फैलिएको कोरोनालाई निमन्त्रण (निर्मुल) गर्न सरकारले पहिलो प्राथमिकतामा राख्नु पर्छ । यदि प्रधानमन्त्री शेरबहादुर देउवाले कोरोनाको खोज सबै जनतालाई समयमै लगाउन सके भन्ने देउवाको राजनीतिक उचाइ बदल्ने छ ।
यतिखेर अन्य क्षेत्रतिर भन्दा सरकारले कोरोनातिर बढि ध्यान दिँदा उपयुक्त होला । सरकार त जसले पनि चलाउँछ, प्रधानमन्त्री त जो पनि होलान् तर असल प्रधानमन्त्रीले इतिहास बदल्ने छ । आज देउवालाई फेरि एउटा अवसर आएको छ । डेढ वर्षमा धेरै काम नगरेपनि देउवाले देशै भरि खोप समयमै लगाए, पुर्वाग्रह रहित शासनले मात्र देउवाको शासनलाई अब्बल मान्ने छ ।
कांग्रेस सभापति शेरबहादुर देउवा जनताले बनाएर प्रधानमन्त्री बनेका होइनन् । सर्वाेच्च अदालतको परमादेशले बताइएको हो । जुन पाँच दलीय गठबन्धन मिलेर अहिलेको यो सरकारलाई साथ दिइएको छ, यिनीहरूको उद्देश्य भनेको एमसिसी पारित गराउने दलीय भागबन्डा र बाँडीचुँडी राख्ने रहेको छ । र, यिनीहरूले नेपाललाई अफगानिस्तान, र फिजिकरण जस्तै बनाउन खोज्दै छन् ।
देउवा प्रधानमन्त्री त पटक–पटक भए तर उनले देश र जनताको लागि राम्रो काम भन्ने छैन । सत्ता टिकाउन देउवालाई माहिर खेलाडीको रूपमा लिइन्छ । पैसा र पदका लागि पर्नेहरू कहिले कांग्रेस, कहिले कम्युनिस्ट गर्छन् । अहिले पनि राजनीतिमा त्यहि विकृति भित्रिएको छ ।
प्रजातन्त्रमा चुनाव अपरिहार्य हो । हामी ताजा जनादेशका लागि जनतामा जान तयार छौँ । तत्पर छौँ । हामी जनताकै माझ गएर यी गणतन्त्रवादीहरूको क्रियाकलापको भण्डाफोर गर्ने छौँ । महँगी, भ्रष्टाचार, वेरोजगारीलगायत प्रमुख मुद्दा उठाएर हामी जनतामा जान तयार भएका हौँ । हामी हाम्रो प्रमुख एजेन्डा बाटै यसपटक राम्रो परिणाम ल्याउने विश्वास लिएका छौँ । विगतमा राप्रपाहरू फुटेर जनतामाझ गए, त्यसको नराम्रो परिणाम भोग्नु प¥यो । यसपटक राप्रपाका तीनै अध्यक्षहरूले गीता छोएर अब नफुट्ने कसम खाएका छन् । यसले आम नेता कार्यकर्तामा राम्रो सन्देश गएको छ । यदि राप्रपाका नेताहरू एकतावद्ध भएर निर्वाचनमा जाने हो, राम्रो परिणाम आउने छ । राप्रपा विगतमा तेस्रो शक्ति छँदै अहिले यो अवस्थामा आइपुगेको हो । अब फुटेर नेताहरूले इतिहास दोहो¥याउनु हुँदैन ।
यसै शिलशिलामा आगामी कात्तिक २७, २८, २९ र ३० गते राप्रपाको केन्द्रीय महाधिवेशन हुन गइरहेको छ । यस महाधिवेशनमा आफ्नै एजेन्डा लिएर केन्द्रीय सदस्यमा उठ्ने तयारीमा छु । यसपटक युवा पुस्ताले पनि निर्वाचन जित्नु पर्छ । युवामा एकता भयो भने महाधिवेशनमा युवाहरूको लागि राम्रो हुनेछ ।
राप्रपाको प्रमुख एजेन्डा हिन्दू राष्ट्र र राजसंस्था हो । त्यो एजेन्डाभन्दा राप्रपाका सबै तहका तमाम नेता कार्यकर्ता लागेका छैनन् । तर, विगतमा कोरोनाका कारणले मात्र राप्रपा खुलेर जनतामा जान नसकेको हो तर राप्रपाको अभियान जारी छ । राजसंस्थालाई रापपाले राष्ट्रिय एकताको प्रतिकको रूपमा लिने गरेको छ र हिन्दू राष्ट्र, जातीय सद्भाव, राष्ट्रिय एकता कायम गर्न राप्रपा आफ्नो ठाउँबाट सधँै अग्रसर छ । वास्तविक रूपले भन्नुपर्दा सबै जनजाति, धर्म, संस्कृतिलाई बचाई राख्न र एकतावद्ध पार्न पनि हिन्दूधर्मसँगै राजसंस्थाको पुनरवहाली गर्नुपर्छ ।
विगत केही वर्ष यता गणतान्त्रिक सरकार आएपछि नेपाली जनताले वास्तविक सरकारको अनुभूति गर्न सकेका छैनन् । त्यस कारण राप्रपाले भन्ने गरेको राजनीतिक स्थायित्व र विकासका लागि राजा सहितको प्रजातान्त्रिक सरकारको निर्माण गर्नुपर्छ । तब मात्रै त्यस दिन नेपाली जनताले साँच्चिकै आफ्नो सरकारको अनुभूति गर्ने छन् । राजाबिना देशमा राजनीति र विकास हुन नसक्ने रहेछ भन्ने कुरा केही वर्ष यताका सरकारले देखाइसकेको अवस्था छ ।
स्पष्ट रूपमा भन्नु पर्दा राप्रपाको सहि विचार र सिद्धान्तको आधारमा अधिकांश युवाहरू लागेका छन् । महाधिवेशनमा धेरैभन्दा धेरै युवा पुस्ताले जितून् भन्ने लाग्छ । जित्नु होला पनि । र, अब दोस्रो पुस्तामा नेतृत्व हस्तान्तरण हुनु पर्छ ।
नेपालमा विदेशीले फुटबल ग्राउन्ड बनाएका छन् । जो आए पनि नेपाललाई पकडमा राख्न चाहन्छन् । धर्म परिवर्तन गर्न पैसाकै चलखेलसमेत भइरहेको देखिन्छ । त्यसो त नेपालका नेता भनिएकाहरू विदेशीको इशारामा चल्न तँछाड मछाड गरिरहेका छन् । विदेशी इशारामा चल्ने, विदेश इशारामा आफ्नो रणनीति बनाउने, विदेश पैसा खाने नेताहरूबाट देशको भलो कसरी होला ? हिजो राजाको नेतृत्वमा सत्ता हुँदा त्यसो थियो त ? आज जनताले मूल्यांकन गर्ने बेला आएको छ । एमसिसी होस् वा अन्य कुरामा होस् नेपालमा हस्तक्षेप गर्न खोजिएको देखिन्छ । विदेशी मनसाय पूरा गर्न नेताहरू तछाड मछाड गरेको अवस्था छ ।
नेपाली जनता समक्ष के अनुरोध गर्न घ भने यो संघीयता, गणतान्त्रिक व्यवस्था, धर्मनिपेक्षता खारेज गर्न सघाउन आमनेपाली जना एकतावद्ध हुनुपर्छ । धर्म संस्कृति, राजतन्त्रलाई फेरि पहिलेको अवस्थामा ल्याउन एकजुट हुन पनि देशवासी एक हुन जरुरी छ ।
(लेखक लामा राष्ट्रिय प्रजातन्त्र पार्टीको केन्द्रीय सदस्य हुन् ।)
