काठमाडौं - सुर्खेतबाट पक्राउ परेका नेकपा एमालेका उपाध्यक्ष विष्णु पौडेललाई काठमाडौं ल्याइएको छ । पार्टी कार्यक्रमका लागि हिजो सुर्खेत पुगेका पूर्व उपप्रधान एवं अर्थमन्त्री समेत रहेका पौडेललाई हिजै प्रहरीले पक्राउ गरेको थियो ।
उनले गरेको सेयर कारोबार र सम्पत्तिको शंकास्पद स्रोतको अनुसन्धानको सिलसिलामा पक्राउ गरिएको विभाग सम्बद्ध उच्च स्रोतले बताएको छ । उनलाई प्रहरीले सम्पत्ति शुद्धीकरण विभाग पुर्याएको छ । उनलाई आजै म्याद थपका लागि अदालत लाने तयारी छ ।
उनलाई राति नै प्रहरीले स्थलमार्ग हुँदै काठमाडौं ल्याएको हो । उनलाई नियन्त्रणमा लिनुअघि विभागको टोलीले उनकाे निवासमा पनि छापा मारेको थियो ।
