काठमाडौं - परराष्ट्रमन्त्री शिशिर खनालले प्रधानमन्त्रीको अभिव्यक्तिबारे स्पष्ट पार्ने भएपछि संसद वैठक सुचारु भएको छ । परराष्ट्रमन्त्री प्रधानमन्त्रीको अभिव्यक्तिबारे सम्बाेधन गर्दै गर्दा श्रम संस्कृति पार्टीका सांसदहरूले उठेर विरोध जनाएका हुन् ।
प्रधानमन्त्री बालेन्द्र शाहले आफ्नो विवादित अभिव्यक्तिबारे संसदमा आएर जवाफ दिनुपर्ने मागसहित संघर्षरत प्रतिपक्षी दलहरु लचक बनेका छन् ।
सभामुख डीपी अर्यालले खनाललाई बोल्नका लागि समय दिएका थिए । उनले प्रधानमन्त्रीको तर्फबाट जवाफ दिने भनिएको छैन ।यसमा असहमति जनाउँदै श्रम संस्कृति पार्टीका सांसदहरूले उठेर विरोध जनाइरहेका छन् । अन्य प्रतिपक्षी दलहरुले भने बसेर परराष्ट्रमन्त्रीको सम्बोधन सुनिरहेका छन् ।
