काठमाडौं - नेपाल आयल निगमको बिहीबारको निर्णयअनुसार शुक्रबार देखि लागू हुने गरी पेट्रोल, डिजेल र मट्टितेलको मूल्य प्रतिलिटर १५ रुपैयाँले वृद्धि गरेको छ।
नयाँ मूल्यसूचीअनुसार काठमाडौं, पोखरा र दिपायल तेस्रो वर्गका क्षेत्रमा अब पेट्रोलको मूल्य प्रतिलिटर २०२ रुपैयाँ पुगेको छ भने डिजेल र मट्टितेल १८२ रुपैयाँ कायम गरिएको छ।
यस्तै, सुर्खेत र दाङ (दोस्रो वर्ग) मा पेट्रोल २०१ रुपैयाँ र डिजेल/मट्टितेल १८१ रुपैयाँ पर्नेछ।पहिलो वर्गअन्तर्गत पर्ने चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा पेट्रोलको मूल्य १९९ रुपैयाँ ५० पैसा तथा डिजेल/मट्टितेल १७९ रुपैयाँ ५० पैसा तोकिएको छ।
