जुम्ला– जुम्लाको आठमध्ये छ वटा स्थानीय तहमा उच्च मूल्य कृषिवस्तु उत्थानशील कार्यक्रम सञ्चालन हुने भएको छ । जिल्लाको चन्दननाथ नगरपालिकासहित पातारासी, तीला, हिमा, सिञ्जा र कनकासुन्दरी गाउँपालिकामा सात वर्षसम्म कृषि क्षेत्रमा काम गर्नेगरी सो कार्यक्रम सञ्चालन हुन लागेको कार्यालय प्रमुख सन्तोष भारतीले जानकारी दिए ।
उनका अनुसार विशेष परियोजनाका रुपमा सञ्चालन हुने सो कार्यक्रमबाट स्थानीय किसानदेखि कृषि उद्यमी र आमउपभोक्ता लाभान्वित हुनेछन् । कर्णाली प्रदेश सरकारको भूमि व्यवस्था कृषि तथा सहकारी मन्त्रालयले जुम्लाको खाद्यबाली, दलहन, तरकारी, फलफूल, पशुपालन, दुग्धजन्य पदार्थको विकास एवं विस्तारका क्षेत्रमा सहयोग र सहकार्यको अवधारणाबमोजिम किसान तथा कृषि उद्यमी र आमउपभोक्तालाई लाभान्वित तुल्याउँदै जुम्ली जनताको जीवनस्तर सुधारका पक्षमा परियोजना सञ्चालन गरी काम गर्न लागेको स्पष्ट गरेको छ ।
कर्णाली प्रदेशसभा सदस्य देवेन्द्र शर्माले बाँझिएका जग्गाको सदुपयोग, कृषि उत्पादकत्व वृद्धि, उत्पादित कृषिजन्य वस्तुको बजार व्यवस्थापन, स्याउलगायत स्थानीय फसलको संरक्षण र सम्वद्धनसहित आमकृषकलाई कृषि क्षेत्रमा आकर्षण गर्न उच्च मुल्य कृषि वस्तु उत्थानशील कार्यक्रम सफल हुने जानकारी दिए।
न्दर्भमा जुम्लास्थित कृषकसम्बद्ध विभिन्न संघ, संगठन र अगुवा कृषकले परियोजना सञ्चालन हुन लागेकामा खुसी व्यक्त गर्दै समग्र कृषि क्षेत्रको विकासमा सहयोग र सहकार्य गर्ने प्रतिबद्धता व्यक्त गरेका छन् ।
-1763876747.jpg)
