काठमाडौं -सिख धर्ममा मानिने नानक जयन्ती आज नेपालमा पनि मनाइने भएकाे छ । सिख धर्मका प्रवर्तक गुरु नानकको सम्झनामा उनकाे जन्मलाई स्मरण गरी नेपालसहित विश्वका विभिन्न भागमा रहेका सिख समुदायद्वारा श्रद्धा–भक्तिपूर्वक जन्मजयन्ती मनाइँदैछ ।
यो दिवसमा मानवलाई सहिष्णुता, करुणा र आपसी प्रेमको मार्गमा अघि बढ्न प्रेरणा दिने यो दिवसमा सिख समुदायले गुरुवाणी पाठ, आरती एवं मानव सेवाका कार्यक्रम गर्दै आएका छन् ।
असमानता, जातीय भेदभाव र हिंसाका विरुद्ध लाग्न गुरु नानकले प्रेरणा दिएकाले उनलाई समनता तथा शान्तिको सन्देश वाहकका रूपमा विश्ववासीले सम्मान गर्दै आएका छन् ।
