बुटवल - नेपालीहरुको महान चाँड बडा दशै सुरु भए सँगै दशैको टिका थाप्न र आर्शिवाद लिन गाउँ जानेहरुको बुटवल बसपार्कमा केही दिनदेखि भिडभाड बढेको छ । बुटवल बसपार्क पश्चिम नेपालकै ठुलो बसपार्क हो ।
यहाँ बाट ७७ जिल्ला मध्ये कर्णाली बाहेक पाहाड, तराई, हिमालका सबै जिल्लाको लागि बस तथा हल्का सबारी साधन गरी करिव साढे ९ सय सवारी साधन छुट्ने गरेकोछ । दशैँमा पुर्व– पश्चिम, मेची–महाकाली मात्र नभएर पहाडी जिल्ला गुल्मी, पाल्पा,अर्घाखाँची, प्युठान, रोल्पा, रुकुम,बाग्लुङ,कास्की लगाएत विभिन्न ठाउँका लागि सवारी साधन बढीमात्रमा छुट्ने गरेको पश्चिम नेपाल बस ब्यावसायी समितीका कर्मचारी महेश्वर पराजुलीले जानकारी दिए ।
रोजगार र अध्यानका लागि भारतका विभिन्न सहरमा पुगेका नेपालीहरु पनी दशै मनाउन टिका थाप्न घर फर्कनेको लर्को पनि बढ्दो छ । दशैँका लागि दिल्ली बाट बागलुङ घर तर्फ जानका लागि बुटवल आईपुगेका सुमन पौडेल भन्छन् 'दुई वर्षमा घर र्फकदै छु ,घर परिवार सार्थी भाई संग भेटघाट खुसी साटा साट गरी रमाइलो हुन्छ' ।
दशैँका लागि यातायात संंस्थाहरुले बिभिन्न रुटहरुका लागि बस र हल्का सवारी सधन थप गरेका छन् । यात्रुको सुरक्षालाई मध्येनजर गर्दै यसो गरिएको हो । जस्ले गर्दा यात्रुहरु सुरक्षित र छतमा बसेर यात्रा गर्न नपर्ने पश्चिम बस ब्यावसायी समितीका सदस्य जिवन बन्जाडेले भने बुटल बसपार्क बाट कार्णांली बाहेक सबै जिल्लाका रुटहरुमा बस र हल्का सबारी सधन गरी ९ सय ५० सवारी साधन वहोर दोहर गर्छन् ।
बुटवल बसपार्कमा दशै ,तिहार र छड पर्वलाई लक्षित गरेर सार्बजनीक सवारी साधनमा यात्रा गर्ने यात्रुहरुलाई सहज होस् भन्ने उद्देश्यले प्रहरी प्रशासन, ब्यवसायी र यात्रुहरुको समन्वयमा नागरिक सहायता कक्ष स्थापना गरिएको छ ।यात्रामा यात्रुहरुलाई सहजता होस् र्दुघटना लगाएतका समस्या नआवस् भनेर सहायता कक्ष स्थापना गरिएको नेपाल प्रहरी राजमार्ग सुरक्ष तथा ट्राफिक ब्यवस्थापन कार्यालय बुटवलका कार्यालय प्रमुख प्रहरी उपरीक्षक मित्र बन्धु शर्माले बताए ।
पश्चिम नेपाल बस ब्यावसायी प्रा.लि का अध्यक्ष दधिराम खरेलले यात्रुहरुलाई सहज र सबारी साधनको अभाव नहोस भनी पर्वहरुमा यातायातको ब्यवस्था गरिएको बताए । यो पटक नारायगढ मुग्लिङ सडक खण्डमा र बुटवल नारयणगढ सडक खण्डको दाउन्नेमा वर्षाका कारण पहिरो गएकाले अग्रिम टिकट काटेका यात्रुहरु लामो समय सम्म सवारी अवरुद्ध हुदा समस्यामा पर्ने गरेको गुनासो गरेका छन् ।
