प्रत्येक वर्ष असार १५ गते मनाइने धान दिवस आज खेतमा काम गरी दही चिउरा खाएर मनाइँदै छ । कामको चटारोले थकित भएका किसान शक्ति प्राप्तिका लागि दही चिउरा खान्छन् । यसबेला दही चिउराले शरीरमा शीतलता भई शक्ति सञ्चय हुने विश्वास गरिन्छ । असार १५ लाई नेपाली समाजमा दही चिउरा खाने पर्वका रूपमा पनि लिइन्छ ।
अछाम जिल्लाको ढकारी गाउँपालिका-८ स्थित पल्साती जिउलामा किसानहरु धान रोपाइँ गर्दै । यो ठाउँ धान उत्पादनका लागि उर्वर मानिन्छ । तस्बिर : सुशील भण्डारी / रासस
भोजपुरको पौवादङमा गाउँपालिका-१ तिलाहरमा बेठी लगाएर रोपाइँ गर्दै किसान । तस्बिर : युवराज विष्ट/रासस
दाङको घोराही उपमहानगरपालिका–१७ स्थित क्वाडीका किसानहरू परम्परागत तरिकाबाट धान रोपाइँको तयारीका क्रममा खेतमा हिलो सम्याउँदै । तस्बिर : कुलदीप न्यौपाने / रासस
कर्णाली प्रदेशका मुख्यमन्त्री यामलाल कँडेल आइतबार अखिल नेपाल किसान महासंघ जिल्ला कमिटी सुर्खेतद्वारा वीरेन्द्रनगरमा आयोजित ‘२२ औँ राष्ट्रिय धान दिवस तथा रोपाइँ महोत्सव’मा धान रोप्नुहुँदै । तस्बिर : शुरबहादुर सिंह/रासस
चितवनको राप्ती नगरपालिका-१ स्थित सिमरामा मेसिनबाट धान रोप्दै । प्रधानमन्त्री कृषि आधुनिकिकरण परियोजनाले आयोजना गरेको धान दिवस विशेष कार्यक्रममा मेसिनबाट धान रोपिएको हो । तस्बिर : कृष्ण आचार्य/रासस
पोखरा पर्यटन परिषद्ले आइतबार पोखरा महानगरपालिका-२६ गुँदे ताल किनारमा आयोजना गरेको रोपाइँ महोत्सवमा रमाउँदै पर्यटक । तस्बिर : धनबहादुर गुरुङ/रासस
ललितपुरको लेलेमा आज आयोजित रोपाइँ कार्यक्रममा सहभागी हुँदै अभिनेता राजेश हमाललगायत । तस्बिर : भेषराज कार्की/रासस
सङ्खुवासभाको मादी नगरपालिका–४ उमृङ गाउँमा कृषि ज्ञान केन्द्र सङ्खुवासभा र मादी नगरपालिकाले आज आयोजना गरेको २२ औँ राष्ट्रिय धान दिवस तथा रोपाइँ महोत्सव । तस्बिर : भविन कार्की/रासस
राष्ट्रपति रामचन्द्र पौडेल असार १५ अर्थात धान दिवसका अवसरमा राष्ट्रपति भवन शीतलनिवासमा राष्ट्रपति कार्यालयद्धारा आज आयोजित रोपाइँमा सहभागी हुनुहुँदै । तस्बिर सौजन्यः राष्ट्रपतिको कार्यालय/ रासस
तनहुँको व्यास नगरपालिका–११ शेरामा रोपाइँ गर्दै रोपाहार । जिल्लाका विभिन्न ठाउँमा रोपाइँ सुरु भएको कृषि ज्ञान केन्द्रले जनाएको छ । तस्बिरः कृष्ण न्यौपाने/ रासस
राष्ट्रिय धान दिवसका अवसरमा राष्ट्रिय कृषक समूह ताप्लेजुङद्वारा यहाँ आयोजित धान रोपाइँ कार्यक्रममा कोशी प्रदेशका उद्योग, कृषि तथा सहकारीमन्त्री खगेनसिं हाङ्गामलगायत । तस्बिरः सन्तोष पुर्कुटी/रासस
मध्यनेपाल नगरपालिका– ४ सानो कुमाल गाउँको फाँटमा अखिल किसान महासङ्घ लमजुङको आयोजनामा स्थानीय कुमाल गाउँका किसानहरुको समन्वयमा ‘धान दिवस अर्थात रोपाई महोत्सव’मा रापाइँ गर्दै महिलाहरु । तस्बिरः देवेन्द्र गुरूङ/रासस
नेपाल किसान महासङ्घ झापाद्वारा हल्दीबारीमा आयोजित धान महोत्सवमा रोपाइँ गर्दै रोपाहारहरु । तस्बिरः दीपक चन्द/रासस
