काठमाडौं- काठमाडौंको रेडिसन होटलमा आज चिनियाँ पारम्परिक चिकित्सा प्रणाली (Traditional Chinese Medicine - TCM) प्रवर्द्धन गर्न लक्षित एक विशेष कार्यक्रम सम्पन्न भएको छ।कार्यक्रम चीन सरकारको सहयोगमा पूर्व अर्थमन्त्री जनार्दन शर्माको प्रमुख आथित्यमा कार्यक्रम सम्पन्न भएको हो।
कार्यक्रममा सम्बोधन गर्दै पूर्व मन्त्री जनार्दन शर्माले भने, “नेपालमा वैकल्पिक तथा परम्परागत चिकित्सा प्रणालीको प्रचारप्रसारले दुर्गम क्षेत्रका नागरिकलाई सुलभ र किफायती उपचारको बाटो खोल्नेछ। चीनको ऐतिहासिक ज्ञान र अनुभवबाट नेपालले धेरै सिक्न सक्छ।”
कार्यक्रममा चिनियाँ परम्परागत चिकित्सा प्रणालीको महत्व, त्यसको ऐतिहासिक विकासक्रम, आधुनिक जीवनशैलीसँगको सम्बन्ध, र नेपाल–चीन सम्बन्धमा यसले खेलेको भूमिकामाथि चर्चा गरिएको थियो।
चिनियाँ विशेषज्ञ टोलीले एक्युपञ्चर, हर्बल मेडिसिन, तुना मसाज, र ची गोंग जस्ता विधिहरूको प्रदर्शन समेत गरेचीनबाट आएका वरिष्ठ चिकित्सक तथा अनुसन्धानकर्ताहरूले चिनियाँ चिकित्सा प्रणालीका विभिन्न पक्षहरूबारे प्राविधिक प्रस्तुति दिएका थिए। उनीहरूले नेपालका स्वास्थ्यकर्मीहरूलाई प्रशिक्षण दिनेसमेत जानकारी गराए।
कार्यक्रममा बोल्दै नेपाली स्वास्थ्य मन्त्रालयका प्रतिनिधिले नेपालमा वैकल्पिक चिकित्सा पद्धतिको विस्तारमा चिनियाँ सहयोग महत्वपूर्ण भएको उल्लेख गरे। उनले विशेषगरी ग्रामीण क्षेत्रमा अझ सुलभ उपचारका लागि यस्ता चिकित्सा विधिको प्रयोग उपयोगी हुने बताए।
कार्यक्रमले नेपाल–चीन मैत्री सम्बन्धलाई थप सुदृढ गर्नुका साथै स्वास्थ्य सेवा क्षेत्रको सहकार्य विस्तार गर्न योगदान पुर्याउने विश्वास आयोजकले व्यक्त गरेका छन्।सो कार्यक्रम स्वास्थ्यकर्मी, वैकल्पिक चिकित्सक, अनुसन्धाता, सञ्चारकर्मी र विभिन्न क्षेत्रका विशिष्ट व्यक्तिहरुको उपस्थिति रहेको थियो ।
-1752335779.jpg)
