काठमाडाैं - वीपी कोइराला स्वास्थ्य विज्ञान प्रतिष्ठानमा सेवा विस्तार गरेकाे छ । गम्भीर बिरामीका सहजताका लागि वीपी कोइराला स्वास्थ्य विज्ञान प्रतिष्ठानले विभिन्न सेवा विस्तार गरेकाे हाे ।
घरमै क्यान्सर उपचार सेवा सुरु
वीपी कोइराला स्वास्थ्य विज्ञान प्रतिष्ठानले गम्भीर क्यान्सर बिरामीका लागि घरमै उपचार सेवा सुरु गरेको छ। स्वास्थ्यकर्मीको टोलीले बिरामीको घरमै पुगेर उपचार, लक्षण व्यवस्थापन, मानसिक(आध्यात्मिक सहयोग र पारिवारिक परामर्श दिनेछ। यो सेवा काठमाडौं बाहिर पहिलो हो र हाललाई धरान उपमहानगरमा सीमित छ। यसका लागि सेवा शुल्क रु १५०० प्रति भिजिट तय गरिएको छ, विपन्नलाई निःशुल्क सेवा उपलब्ध हुनेछ।
मोबाइल एपमार्फत ओपीडी टिकट
प्रतिष्ठानको नयाँ मोबाइल एपबाट बिरामीले घरमै बसेर सामान्य ओपीडी टिकट काट्न, टोकन नम्बर प्राप्त गर्न र ल्याब रिपोर्ट हेर्न र डाउनलोड गर्न सक्नेछन्। भुक्तानी आइएम्इ पे र खल्ती एपकाे Payment Gateway बाट गर्न सकिनेछ। यो सुविधा एन्ड्रोइड प्रयोगकर्ताका लागि मात्रै उपलब्ध छ।
विद्यार्थी स्वास्थ्य र सशक्तिकरण
विद्यार्थीको मानसिक(शारीरिक स्वास्थ्यलाई ध्यान दिँदै नयाँ इकाई गठन गरिएको छ। डा। रिंकु गौतमको अध्यक्षतामा गठित टोलीले खेलकुद, योग, साइकल भाडा, ध्यान केन्द्र, मानसिक स्वास्थ्य परामर्श, हेल्पलाइन सेवा, स्क्रिनिङ र कार्यशालाहरू सञ्चालन गर्नेछ।
मेन्टर प्रणाली पुनः सञ्चालन
स्नातक विद्यार्थीका लागि शिक्षकलाई ‘मेन्टररप्रिसेप्टर’ तोकिएको छ, जसले विद्यार्थीलाई भावनात्मक समर्थन र मार्गदर्शन प्रदान गर्नेछन्। यसले तनाव न्यूनीकरण र सकारात्मक वातावरण विकासमा मद्दत गर्ने अपेक्षा गरिएको छ।
विद्यार्थीको चिकित्सकीय अभ्यास बढाउन क्यान्सर जनचेतना समूह र अनुसन्धान अभ्यास इकाई स्थापना गरिएको छ, जसले समुदायमा स्वास्थ्य शिक्षा पुर्याउने र अनुसन्धान क्षमतामा वृद्धि गर्नेछ।
